தகவல் துளிகள்

தமிழின் வல்லமை(சக்தி)-Power of Tamil

2011-12-26T14:44:00.001+03:00

தமிழ் மொழியை தாய் மொழியாகக் கொண்டவர்கள் அனைவரும் பெருமை கொள்ளவேண்டும்.

நினைவூட்டும் மோதிரம்

2011-11-26T14:38:00.001+03:00

இன்றைய வேகமான உலகத்தில் மனிதனுடைய அன்றாட வாழ்க்கையும் அவிசரமாகத்தான் ஓடிக்கொண்டிருக்கின்றது.இந்நேரத்தில் எல்லாவற்றையும் நினைவில் வைத்துக்கொள்வது என்பது கொஞ்சம் கஸ்ரம்தான்! நமது திருமண நாள்,(கணவன் & மனைவி) பிள்ளகைளின் பிறந்த நாள்கள் போன்ற முக்கியமான நாட்களைக் கூட மறந்துவிட்டு, ஐயோ" மறந்து போய்ச்சே! என்று புலம்புவோர் நம்மில் பலருண்டு.

இவர்களுக்கு உதவுவதற்காகத்தான் வந்துள்ளது, இந்த 'நினைவூட்டும் மோதிரம்'. இந்த மோதிரத்தின் உள்ளே உள்ள அமைப்பில், ஆண்டில் ஒரு முக்கிய நாளை நாம் பதிவு செய்து கொள்ளலாம். குறிப்பிட்ட முக்கிய தினத்துக்கு முந்தைய நாள், இந்த 'நினைவூட்டும் மோதிரத்தின்' ஒரு பகுதி 120 டிகிரி பாரன்ஹீட் அளவுக்குச் சூடாகி, 10 நொடிகள் நமது மோதிர விரலைச் சுடுமாம். தொடர்ந்து அந்த நாள் முழுவதும் ஒரு மணி நேரத்துக்கு ஒரு முறை 'சுட்டு'க் கொண்டே இருக்குமாம்.

இதற்க்கு மேல் ஞாபகம் வராமல் போகுமா என்ன?

*என்னை மீண்டும் பதிவெழுத அழைத்த வலைச்சரம் அன்பு பலேபிரபு க்கு மிக்க நன்றிகள்.

கணனியில் சேமித்த கோப்புகளை விரைவாக கண்டுபிடிக்க.

2011-06-17T17:46:00.004+03:00

தினம் தினம் நமது அன்றாட கணனிப் பயன்பாட்டின் போது படங்கள், வீடியோக்கள், மென்பொருள்கள் என பல வகையான கோப்புகளை நிறையவே சேமித்து வைப்போம். அவற்றில் ஒன்றை திடீரென்று அவிசரமாக கண்டுபிடிக்கப்போனால் ஒவ்வொன்றாக தெரிவுசெய்து நமது நேரத்தைத்தான் வீணடிப்போம்.

இதைக் கொஞ்சம் இலகுவாக்குவதற்கு விண்டோவில் உள்ள கோப்புகள் தேடும் பகுதியில் சென்று தேடுவோம் அனால் இதைவிட வேகமாக தேடுவதற்க்கு Search Everything எனும் மென்பொருள் நமக்கு உதவுகிறது. இனிமேல் எந்தப் பைலை எங்கு வைத்தோம் என்று கவலைப்படத் தேவையில்லை.

அனைத்து வகையான விண்டோவிலும் சிறப்பாக இயங்கக் கூடிய வெறும் 333KB கொள்ளவு கொண்ட இந்த சிறிய மென்பொருளை இங்கிருந்து தரவிறக்கிக் கொள்ளுங்கள் பின்னர் தேட விரும்புவதின் பெயரைக்

கொடுத்து என்டர் தட்டவும் அவ்வளவுதான்.

பொறுமையிருந்தால் வெற்றி பெறலாம்-வீதியில் கிடந்த தமிழ் காகிதம்.

2011-06-07T21:08:00.006+03:00

நேற்று நான் வீதியால் சென்றபோது என் காலடியில் தமிழ் காகிதமொன்று அழுக்கோடு கிடக்கக் கண்டேன் அட அந்நிய அரபு தேசத்து வீதியில் தமிழ் காகிதமா? என்று ஆவலோடு எடுத்து வாசித்துப்பார்த்த போதுதான் அதன் அருமையான அறிவுரை என் உள்ளத்தை தொட்டது எல்லோரும் அறியவேண்டும் என்பதற்க்காக உடனே தட்டச்சு செய்து பதிவிட்டுள்ளேன் நீங்களும் கொஞ்சம் படித்துப்பாருங்கள் உறவுகளே!!

ஒவ்வொரு கண்டுபிடிப்பையும் அறிஞர்கள் கண்டு பிடிக்கும் முன், படாதபாடு பட்டுள்ளனர். அதுவும், அந்தக் கண்டுபிடிப்பு வெற்றியடைய பல ஆண்டுகள் காத்திருந்து சாதனை நிகழ்த்தியுள்ளனர். கண்டுபிடிப்பு மற்றும் சாதனை நிகழ்த்த ஒவ்வொருவரும் எத்தனை ஆண்டுகள் காத்திருந்தனர் என்ற பட்டியல் இதோ..

* தந்தியைக் கண்டுபிடிக்க மார்கோனிக்கு ஓராண்டு ஆனது.

* தாமஸ் ஆல்வா எடிசன் சேமிப்பு மின்கலத்தை கண்டுபிடிக்க, 9 ஆண்டுகள் ஆனது.

* டாக்டர் அலெக்சாண்டர் பிளமிங், பென்சிலினை கண்டுபிடிக்க எட்டு ஆண்டுகள் ஆனது.

* சியர்ஸ் டவர் கட்டி முடிக்க 3 ஆண்டுகள் ஆனது.

* வால்ட் டிஸ்னி 13 ஆண்டுகள் முயற்சி செய்து கார்ட்டூன் படங்களை தயாரித்தார்.

* போஸ்ட் எனும் நாடக நூலை எழுத, கதே என்பவருக்கு 60 ஆண்டுகள் ஆயின.

* பைசா நகர கோபுரம் கட்டி முடிக்க, 174 ஆண்டுகள் ஆனது.

* கிம்பர்லி சுரங்கம் வெட்ட, 43 ஆண்டுகள் ஆனது.

அன்னை தெரசா ஒருமுறை ஏழை எளியவர்களுக்காக நிதி வசூல் செய்ய ஒரு செல்வந்தரிடம் சென்றிருந்தார். அங்கே சென்று அவரை வணங்கி தாம் வந்திருப்பதன் நோக்கம் சொல்லி வலது கையை காட்டி ஏதேனும் தாருங்கள் என்றார். அவருக்கு தகுந்த மரியாதை கொடுக்காமல் கடுஞ்சொல் பேசிய அந்த செல்வந்தன் காறி எச்சிலை துப்பினான் அவரின் வலக்கை மீது.

உடனே கொஞ்சமும் சினம் கொள்ளாமல் சிரித்துக் கொண்டே சொன்னார் அன்னை, "செல்வந்தரே, சற்றுமுன் தாங்கள் என் வலக்கையில் கொடுத்ததை நான் எனக்காக வைத்துக் கொண்டேன். அந்த ஏழைகளுக்காக என் இடக்கையிலும் ஏதேனும் தாருங்கள்" என்றார் பொறுமையாக.

உடனே மனம் திருந்திய செல்வந்தன் பிறகு பணம் கொடுத்து அனுப்பினான்.

நமது ஆரோக்கியத்தைக் கவனிக்கும் ஆடைகள்

2011-05-28T16:47:00.004+03:00

ஐரோப்பிய தொழில்நுட்ப ஆராய்ச்சியாளர்கள் ஆடைகளை வடிவமைக்கத் துவங்கி இருக்கிறார்கள் என்றால் ஆச்சரியமாக இருக்கிறதல்லவா? ஆனால் இவை சாதாரணமாக நாம் பயன்படுத்தும் அலங்கார ஆடைகளோ அல்லது ஆடம்பர ஆடைகளோ அல்ல. இவை மின்னணு சென்சார்கள் கொண்ட ஆடைகள்.

இவற்றை அணிபவர்களின் ஆரோக்கியத்தை இந்த மின்னணு சென்சார் ஆடைகள் தொடர்ந்து கண்காணிக்கும் என்பது தான் இவற்றின் சிறப்பு.

சென்சர்கள்;

உணர்திறன் ஆடைகள் எனப்படும் இந்த `இன்டலிஜெண்ட் டெக்ஸ்டைல்ஸ்', பல எம்பிடட் சென்சார்களைக் கொண்டிருக்கும். இவற்றின் துணையுடன் உடலில் நடக்கும் நீரோட்டத்தை, அதாவது ரத்தம், வியர்வை ஓட்டத்தின் மாற்றங்களைத் தொடர்ந்து கண்காணித்து, உடல் ஆரோக்கியத்தை கணிக்கும் வகையில் இவை அமைக்கப்பட்டு இருக்கின்றன.

மருத்துவமனை நோயாளிகளில் குறிப்பாக கோமா நிலையில் இருப்பவர்கள், மனநலம் குன்றியவர்களின் உள்ளார்ந்த மாற்றங்களைக் கவனிக்க இந்த நவீன ஆடைகள் மிகவும் பயன்படும் என்று தெரிவிக்கப்பட்டு இருக்கிறது.

மனதின் எண்ணங்களுக்கு ஏற்ப உடல் ரத்த ஓட்டம் மாறுபடுவதால், குற்றவாளிகளின் எண்ணங்களை ஆராய குற்றவியல் காவல்துறையினருக்கும் இந்த உணர்திறன் ஆடைகள் மிகுந்த பயனளிக்கும் என்று கூறப்படுகிறது.

பயோடெக்ஸ்;

ஐரோப்பிய ஒன்றியத்தின் நிதி உதவியுடன் எட்டு பயிலக ஆராய்ச்சியாளர்கள் இணைந்து இந்த பயோடெக்ஸ் திட்டத்தைச் செயல்படுத்தி வருகின்றனர். இவர்கள் வடிவமைத்து இருக்கும் ப்ரோட்டோடைப் மல்டி-சென்சார் டெஸ்ட் பேட்ச், பரிசோதனைக்குத் தயாராக இருப்பதாக அறிவிக்கப்பட்டு இருக்கிறது.

நம்பிக்கை அளவுக்கு மீறினால் ?

2011-05-21T23:41:00.001+03:00

நம்பிக்கையில்தான் நானும் வாழ்ந்து கொண்டிருக்கின்றேன். ஆனால், என் நம்பிக்கை வரையறுக்கப்பட்டிருகின்றது. என் தகுதிக்கும், திறமைக்கும் உட்பட்டே, அந்த நம்பிக்கை தன் ராஜ்ஜியத்தை நடத்துகின்றது. தகுதி வளர்ந்தால்தான் எனது நம்பிக்கை வளர்கிறது.
சிறிய கொடிகளில் பெரிய பூசணிக்காய் காய்ப்பது போல், சிலரது நம்பிக்கை அவர்களது சக்தியை விட அதிகமாக இருக்கின்றது.

பெரிய மாமரம் சிறிய கனிகளை ஈன்றெடுப்பது போல,எனது சக்தி, எனது நம்பிக்கையைத் தாலாட்டுகின்றது. "இமயமலையின் மீது ஏறிவிடலா" என்று மனிதன் நம்புகிறான்; ஏற முயற்சிக்கிறான். கால்களில் வலுவில்லை. கடைசியில் ஒரு குன்றின் மீது நின்று கொண்டு "இதுதான் இமயம்" என்று சாதிக்கிறான்.

சொல்லித் திருத்த முடியாத வாதங்களை ஏற்றுக் கொண்டு விட்டால் தொல்லை இல்லை என்பதால், மற்றவர்களும் அதை ஒப்புக் கொள்கிறார்கள். களிமண்ணால் சிலை செய்ய முயற்சிக்கும் ஒரு சிற்பி, மண்ணாலேயே ஒரு மாளிகை கட்ட முயற்சிக்கிறான். "காகிதக் கப்பலைக் கடலிலே விடுவேன்;அதை ஓட்டியும் காட்டுவேன்; கரையிலும் சேர்ப்பேன்" என்பது ஒருவனது வாதம்.

இரண்டு காலடிகள் ஒழுங்காக விழுந்து விட்டதாலேயே, கால்களில் எண்ணையைத் தடவிக் கொண்டு வழுக்குப் பாதைகளில் ஏறுவேன் என்பது இன்னொருவரின் வாதம். ஒரு வெற்றி, பல வெற்றிகளைக் கனவு காண்கின்றது. ஒரு சக்தி, பல சக்திகள் தனக்கிருப்பதாக நம்புகின்றது மத்தளத்தில் புல்லாங்குழல் வாசிக்க ஒரு முயற்சி.

தாரையும், கொம்பும் ஸ்- ரி- க- ம -ப- த- நி பாடுகின்றன. சிலகாலம் அவைகளையும் ஏற்றுக் கொள்கின்றன. ஆனால் நம்பிக்கை அளவுக்கு மீறியதாக ஆகும் போது, அழிவும் கேலியும் எதிரே நிற்கின்றன. கோழிக்குஞ்சைப் பிடித்து விட்ட தைரியத்தில் ஒருவன் யானையையும்- பிடிக்க தயாராகிறான். கேரம்போர்டில் வெற்றி பெற்றுவிட்ட மயக்கத்தில் கிரிக்கெட் பந்தயத்திற்கு ஒருவன் தயாராகிறான். போலந்தையும்,செக்கோஸ்லாவாக்¢யாவையும் பிடித்த மயக்கத்தில் சோவியத் யூனியனுக்குள் நுழைந்த ஹிட்லரைப் போல். நீச்சல் குளத்தில் நீந்தப் பழகியவன், "கடலிலும் குதித்துக் கரையேறுவேன்" என்கிறான்.

நம்பிக்கை தரும் வெற்றிகளை விட தோல்விகள் அதிகம். அந்தத் தோல்விகளும், வெற்றிகளே என்பது ஒருவனது நம்பிக்கை. நம்பிக்கையின் அளவு எவ்வளவு இருக்க வேண்டும் என்பதை மனிதர்கள் மிருகங்களிடம் இருந்து கற்றுக் கொள்ள வேண்டும்.

தங்கள் சக்திக்கேற்பவே அவைகள் நம்பிக்கை வைக்கின்றன. நம்பிக்கை துளிர் விடும் போது அச்சம் அற்றுப் போகின்றது. அச்சம் அற்றுப்போன இடத்தில், "எது செய்தாலும் சரியே" என்ற துணிவு வருகின்றது. அந்தத் துணிவு, தோல்வியைக் கூட்டி விடுகிறது. தோல்வி நம்பிக்கையை சாக அடிக்கிறது. மனித மனம், பழைய நிலைக்குத் திரும்புகின்றது. மனிதனது கடைசி நம்பிக்கை, மயானம். இந்த நம்பிக்கை மட்டும் தோல்வியடைந்ததே இல்லை.

பாஞ்சாலியைத் துகிலுரிந்த போது கெளரவர்களுக்கிருந்த நம்பிக்கை பாரதப்போர் வரையிலும்தான் இருந்தது. எதிரியின் சக்தி என்ன என்று தெரியும்வரை, ஒருவன் கொண்டிருக்கும் நம்பிக்கையை யார் தடுக்க முடியும்?

சமுதாயம் சிலரது நம்பிக்கைகளை வியப்போடும், திகைப்போடும் பார்க்கிறது. நான் யாருடைய நம்பிக்கையையும் வேடிக்கையாகப் பார்க்கிறேன். மரணத்தின் பின் மனித ஏடுகள் பரிசீலிக்கப் படும்போது, எது சரி, எது தவறு என்பது தெரியப் போகிறது. அதுவரை சர்க்கஸ்காரனுக்கு அடங்கும் புலியைப்போல், என் நம்பிக்கையை என் அளவுக்குள் வைத்திருக்க விரும்புகிறேன்.

நன்றி : கவிஞர் கண்ணதாசனின் "எண்ணங்கள் ஆயிரம்" எனும் தொகுப்பிலிருந்து..

சிறுவர்களுக்கான படம் வரையும் மென்பொருள் தமிழில்

2011-05-14T15:01:00.002+03:00

டுக்ஸ் பெயிண்ட் (Tux Paint) எனும் பெயர்கொண்ட இந்த மென்பொருள் உலகெங்கிலுமுள்ள அநேகமான சிறுவர்களை வெகுவாக தன்பக்கம் கவர்ந்து இழுத்துக்கொண்டிருக்கின்றது. சாதாரணமாக விண்டோஷுடன் வரும் பெயிண்ட் மென்பொருளைவிட பல பல வசதிகள் உள்ளன, இதன் மற்றுமொரு சிறப்பம்சம் என்னவென்றால் எங்கள் அழகுத் தமிழிலும் பயன்படுத்துவதற்க்கு வசதியாக உள்ளதென்பதாகும்.

அனைவரது கணணியிலும் இருக்கவேண்டிய இந்த மென்பொருளை இங்கிருந்து தரவிறக்கிகொள்ளுங்கள். தரவிறக்கியதும் திறக்கும் விண்டோவில் கீழே படத்தில் உள்ளவாறு Languages பொத்தானை அழுத்தி Tamil என்பதை தெரிவுசெய்து அடுத்து apply யை கொடுத்துவிடவும் அவ்வளவுதான்.

மேலும் விரிவாக இங்கே விடியோவில் காணலாம்.

விண்டோஸ் மென்பொருள்- Process Explorer

2011-05-05T21:53:00.006+03:00

விண்டோஸ் இயங்குத்தளப் பாவனையாளர்களுக்கு அருமையான புதுப்புது மென்பொருட்களைக் அடிக்கடி வழங்கிக் கொண்டிருக்கும் Windows Sysinternals எனும் தளத்தில் இருந்து மிக முக்கியமான மென்பொருளொன்றை இப்போது காண்போம்.

Process Explorer என்ற பெயரில் 1.64 எம்.பி கொள்ளளவு கொண்டிருக்கும் இந்தமென்பொருள் இப்போது என்னென்ன மென்பொருட்களை விண்டோஸ் இயக்கிக் கொண்டிருக்கின்றது என்பதை விலாவாரியாகத் நம் கண் முன்னே தருகின்றது ஏற்கனவே விண்டோஸில் Task Manager என்னும் மென்பொருளின் மேம்பட்ட பதிப்பாகவே இந்த மென்பொருளைக் கையாளலாம். தேவைப்பட்டால் டாஸ்க் மேனேஜருக்குப் பதிலாக இந்த மென்பொருளையே நாம் பயன்படுத்திக் கொள்ளலாம்.

இந்த அருமையான இலவச மென்பொருளை இங்கிருந்து தரவிறக்கிக்கொள்ளலாம்.

மனிதன் அழிந்த பிறகு?

2011-05-01T11:49:00.004+03:00

பூமியில் மனிதர்கள் தோன்றுவதற்கு முன் விலங்கினங்கள் தோன்றி வாழ்ந்து வந்தன.இது தெரிந்ததுதான்.

"ஆனால் பிரளயம் இயற்கைச் சீற்றம் என்று ஏதாவது காரணத்தினால் இந்த உலகம் அழிந்தாலும் கூட சில விலங்குகள் மிச்சமிருக்கும்"என்கிறார்கள் விஞ்ஞானிகள்! பூமியின் சரித்திரத்துடன் ஒப்பிட்டுப் பார்க்கும்போது அதில் மனித இனம் இருக்கப் போவது மிகக் குறுகிய காலம்தானாம்.

"அடடா... நம் கதை முடிஞ்சுபோச்சா?"என்று பயப்படத் தேவையில்லை.இன்னும் சில கோடி வருடங்களுக்கு பூமிக்கு எந்த ஆபத்தும் இல்லை.அதனால் நாமும் சௌக்கியமாக இருக்கலாம்.

"சுமார் ஐந்துகோடி வருடங்களுக்குப் பிறகுதான் பூமியில் மனிதன் இருக்கமாட்டான்.ஆனால் விசித்திரமான புது வகையான மிருகங்கள் நிச்சயமாக உலாவிக்கொண்டிருக்கும் என்கிறார் பூமி தொடர்பான ஆய்வில் ஈடுபட்டிருக்கும் நியூயார்க்கைச் சேர்ந்த டாக்டர் சைமன். அந்த விசித்திர மிருகங்களின் தோற்றம் எப்படி இருக்கும் என்பதை இவர் தலைமையிலான ஆய்வு கற்பனை செய்து வைத்திருக்கிறது.அந்தக் கற்பனை உருவங்களைப் பார்த்தால் முதலில் சிரிப்பு வரும்.பின்னர் அலறுவீர்கள்!

ஐந்துகோடி வருடங்களுக்குப் பிறகு இன்றுள்ள முயல்கள் ஆறடி உயரம் இருக்குமாம்.நீண்ட கால்களுடன் பார்ப்பதற்கு அருவருப்பாகக் காட்சியளிக்குமாம்.பாம்புகளின் குறைந்த பட்ச நீளம் முப்பது அடியாம்.மேலும் அவை யாரையும் கொத்தத் தேவையில்லையாம்...மாறாக விஷத்தை ஐம்பது அடி தூரம்வரை பீய்ச்சியடித்து எதிரிகளைக் கொல்லும் வல்லமை பெற்று இருக்குமாம்.ராட்சத அணில்கள் தங்கள் வாலை பாராசூட் போல பயன்படுத்தி மரத்துக்கு மரம் தாவுமாம்.மான்களோ தோற்றத்தில் காண்டாமிருகம் போல காட்சியளிக்குமாம்.அது போன்ற விலங்குகளுக்கு"நைட் ஸ்டார்க்கர்" என்று இப்போதே பெயரும் வைத்து விட்டனர்.

"அந்த விலங்குகள் உள்ள பூமியில் மனிதனால் சில நிமிடம்கூட உயிருடன் உலவ முடியாது.ஒருவேளை மனிதன் வேற்றுக் கிரகத்தில் குடியேறி அங்கிருந்து பூமிக்கு செயற்கைக் கோள் அனுப்பினால் இந்த விலங்குகளின் அட்டகாசத்தை அவன் வானில் இருந்தபடி பார்த்து மிரளலாம்!"என்று சிரிக்கிறார் சைமன்.

யாருக்குங்க தெரியும்...கற்பனை என்றாலும் ஆராய்ச்சியாயிற்றே!!!

Thanks: Science magazine & Danuma

உபுண்டு இயங்குதளம் புதிய பதிப்பு

2011-04-29T18:24:00.006+03:00

இன்றைய கணினி உலகில் விண்டோஸ் இயக்குதளத்தின் ஆதிக்கமே உலகெங்கும் காணப்படுகின்ற போதிலும் அதற்கு போட்டியாக உபுண்டு இயங்குதளம்தான் உள்ளது என்பதை யாவரும் அறிந்ததே.

தற்பொழுது சிறப்பான தொழினுட்ப்பத்தோடும் பல புதிய வசதிகொளோடு உபுண்டு 11.04 என்ற புதிய பதிப்பை அந்நிறுவனம் வெளியிட்ட்டுள்ளது இப்புதிய தொகுப்பின் மூலம் உபுண்டு இயங்குதள பாவனையாளர்கள் முற்றிலும் புதியதொரு அனுபவத்தை பெற்றுக் கொள்ள முடியுமென அந்நிறுவனம் அறிவித்திருக்கிறது.

இதைவிட இதன் மற்றுமொரு சிறப்பு என்னவென்றால் உபுண்டு இயங்குதளம் என்றும் எப்பொழுதும் முற்றிலும் இலவசமே அதாவது உபுண்டு ஒரு ஏழைகளின் நண்பன் என்றும் கூடக் கூறலாம்.

இதன் புதிய பதிப்பை இங்கிருந்து தரவிறக்கிக் கொள்ளலாம்.

கைத்தொலைபேசியால் ஆபத்தா ?

2011-04-25T19:30:00.006+03:00

நீண்ட கால இடைவெளிக்குப் பின் இப்பதிவு மூலம் அனைவரையும் சந்திப்பதையிட்டு மிக்க மகிழ்ச்சி. திடிரென்று தாயகம் செல்ல வேண்டியிருந்த காரணத்தினாலும் பாரிய வேலைப்பளு காரணமாகவும் தொடர்ந்து பதிவெழுத முடியாமல் போய்விட்டது அனால் என்னைத் தேடி பதிவெழுதிய அன்புச் சகோதரன் மதியோடை மதி. சுதா அவர்களுக்கும் மற்றும் பதிவுலக நண்பர்கள் வாசக பெருமக்கள் அனைவருக்கும் மிக்க நன்றிகள்.

இது ஒரு உண்மைச் சம்பவம்:

வழமை போல நேற்று காலை எனது அலுவலக கணனியில் மின்னஞ்சலை திறந்ததும் அவிசரத் தகவல் என்று தலைப்பிட்டு சவுதியில் உள்ள ஒரு மனேஜச்சரிடமிருந்து மெயில் வந்திருந்தது சம்பவத்தை பார்த்ததும் எல்லோரும் அதிர்ந்து போனோம். கைத்தொலைபேசி வெடித்து ஒருவரின் கை கடுமையாக பாதிக்கப்பட்டிருந்தது.

சவுதியரேபியாவின் ரியாத் நகரில் உள்ள தனது வீட்டில் ஒருவர் படுக்கையறையில் கைத்தொலைபேசியை சார்ச்சில் இட்டுவிட்டு உறங்கியிருகின்றார் அதே நேரம் பிறரிடமிருந்து அழைப்பு வந்திருக்கிறது அழைப்பு ஏற்ப்பு பொத்தானை அழுத்தியதும் உடனே பாரிய சத்தத்துடன் கைத் தொலைபேசி வெடித்துருக்கின்றது. உடனே உறவினர் அவரது அறைக்கு ஓடிச் சென்று பார்க்கையில் அவர் உணர்வற்ற நிலையில் கையில் எரி காயங்களுடன் தரையில் காணப்பட்டார். மறுகணமே அருகிலுள்ள மருத்துவமனைக்கு எடுத்து சென்று தீவீர சிகிச்சைக்கு பிறகு அவருக்கு நினைவு வந்திருக்கிறது.

இந்த படங்களை பாருங்கள்:-

சம்பவத்தை விசாரித்த சம்பத்தப்பட்ட அதிகாரிகள் கூறுகையில் கைத்தொலைபேசி சார்ச்சில் உள்ளபோது தொலைபேசி அழைப்புக்களை ஏற்படுத்துவதோ அல்லது வரும் அழைப்புகளை ஏற்பதோ மிகப்பெரிய ஆபத்து எனவும் அவ்வாறான சந்தர்ப்பங்களில் சார்ச்சர் பிளாக்கை மின்சார இணைப்பிலிருந்து முற்றாக துண்டித்துவிட்டு அழைப்புகளை மேற்கொள்ளுவதுதான் மிகச்சிறந்த பாதுப்பு எனவும் அறிவுறுத்தப்பட்டது.

இத் தகவல் எல்லோரையும் சென்றடைய கீழே Email This என்பதை கிளிக் பண்ணி லிங்கை எல்லோருக்கும் அனுப்பி வையுங்கள். உங்களாலும் ஓர் உயிர் காப்பாற்றப்படலாம் அல்லவா?. (படங்களை தந்துதவிய அரபு மொழித் தளத்திற்க்கு நன்றி http://www.vb.eqla3.com/om)

Whether or not they have a cell phone. They can also inform others who do......

கிருமி பரப்பும் ATM மெசின்கள்

2011-01-20T07:25:00.003+03:00

ATMல் பணம் எடுக்க செல்லும்போது கை உறை அணிந்து கொள்ளுங்கள் அல்லது வெளியே வந்த பிறகு உடனடியாக கையைக் கழுவுங்கள் என்கிறது அன்மைய லண்டன் ஆய்வு ஒன்று . பொதுக்கழிவறையை பயன்படுத்துவதன் மூலம் பரவும் கிருமிகளுக்கு நிகராக ATMல் இருந்தும் கிருமி தொற்ரும் வாய்ப்பு அதிகரித்து இருப்பதாக அது கூறுகிறது.

கிருமி தொற்ரும் வழிகளுக்கான உச்ச ஐந்து இடங்கள் பற்றி ஆய்வு நடத்தப்பட்டது. மக்கள் அதிகம் நடமாட்டமுள்ள பரபரப்பான பகுதிகளில் உள்ள ATM இயந்திரங்களின் தொடுதிரை மற்றும் "கீ" போர்டு ஆகியவற்றில் சோதனை நடந்தது. பொதுக்கழிவறை இருக்கைகளிருந்தும் சாம்பிள் எடுத்து சோதிக்கப்பட்டது, வயிற்றுப் போக்கு உட்பட உடல் நலனை மோசமாக பாதிக்கும் ‘பேசிலஸ்’ பாக்டீரியா கிருமிகள் இரண்டு இடங்களிலும் சம அளவாக இருப்பதாக தெரியவந்துள்ளது .

இதுபற்றி நுண்கிருமி ஆய்வு நிபுணர் ரிச்சர்ட் ஹேஸ்டிங் கூறுகையில், ‘‘பொதுக் பொதுக்கழிவறையில் தொற்றக்கூடிய பாக்டீரியாக்கள், ATM இயந்திரங்களிலும் இருப்பது ஆச்சரியம் அளித்தது. இதுவரை கிருமி தொற்றுக்கு காரணமான இடங்களில் பொதுக் கழிவறையைதான் முதலிடமாக மக்கள் கருதி வந்தனர்’’ என்றார்.

இந்த பட்டியலில் 2வது இடத்தில் பொதுத் தொலைபேசி உள்ளது , போதுத் தொலைபேசியிலிருந்தும் கிருமி தொற்றுவதாக ஆய்வில் பங்கேற்ற 3,000 பேர் கூறியுள்ளனர். இதனால், பொது தொலைபேசி பயன்படுத்தும் 10ல் ஒருவர், ரிசீவரில் காது, வாய் அருகே செல்லும் இடங்களையும், கீ பெர்ட்டையும் முதலில் துடைத்து விட்டு பயன்படுத்துவது தெரிய வந்தது. கிருமி தொற்றுப்ப் பயத்தால் இங்கிலாந்தில் 43 சதவீதத்தினர் பொது தொலைபேசி பயன்படுத்துவதில்லை. இதே பட்டியலில் பஸ் தரிப்பிடங்கள் 4வது இடத்தையும், பஸ் இருக்கைகள் 5வது இடத்தையும் பிடித்ததாக ஆய்வில் தெரியவந்துள்ளது .

Thanks: www.gulf-times.com

ஒரு லட்சம் ஆண்டுகளாக பனியில் உயிரோடிருக்கும் உயிரணுக்கள்

2011-01-16T11:56:00.001+03:00

பனிப் பிரதேசமான அண்டார்டிகாவில் உள்ள பனிக்கட்டியில் ஒரு லட்சம் ஆண்டுகளுக்கும் மேலாக உயிர் வாழும் உயிரணுக்கள் பற்றி சமீபத்தில் கலிபோர்னியா பல்கலைக் கழகத்தில் செய்யப்பட்ட ஆய்வில் தெரியவந்துள்ளது.

கலிபோர்னியா பல்கலைக் கழக ஆய்வாளரான பபர்டு பிரின்ஸ் மற்றும் பட்டப்படிப்பு மாணவரான ராபர்ட் ரோஹ்தே இருவரும் இந்த ஆய்வை மேற்கொண்டனர். இந்த ஆய்வு குறித்து பபர்டு பிரின்ஸ் கூறியிருப்பதாவது:அண்டார்டிகா பனிக்கட்டியில் ஒரு லட்சம் ஆண்டுக்கும் மேலாக, நான்கு கி.மீ., ஆழம் வரை தோண்டிக் கொண்டு பாக்டீரியாக்கள் உயிரோடு வாழ்வது தெரியவந்துள்ளது.
இந்த உயிரணுக்களை தோண்டி எடுத்து, ஆய்வுக் கூடத்தில் சோதித்ததில், இதில் சுற்றுச்சூழல் பாதுகாப்பின் தத்துவம் உள்ளது தெரிய வந்தது. இந்த உயிரணுக்கள், பனி உருகி தண்ணீராகத் தேங்கி நிற்கும்போது, அதில் கண்ணுக்குத் தெரியாமல் படிகிறது. ஆக்சிஜன், ஹைட்ரஜன், மீத்தேன் மற்றும் வேறு பல வாயுக்கள் மூலம் இந்த உயிரணுக்கள் உயிர் வாழ்வதற்கு தேவையான பொருள் கிடைக்கிறது. இந்நிலையில் எந்த ஒரு உயிரணுவும் கட்டியான பனியிலும், அதாவது 55 டிகிரி செல்சியஸ் தட்பவெப்ப நிலையிலும் உயிரோடு இருக்க முடியும். ஆனால், இந்த கஷ்டமான சூழ்நிலையில், இந்த உயிரணுக்கள் வளர்ச்சியடைவதும், சந்ததியை உருவாக்குவதும் கிடையாது. ஆனால் இது எந்தவிதமான மூலக்கூறுகளாலும் சேதமாவதில்லை. இந்த உயிரணுக்கள் பனிக்கட்டியில் ஒரு லட்சம் ஆண்டுகள் வரை உயிர் வாழும் திறம் கொண்டது.இவ்வாறு பிரின்ஸ் கூறினார்.

இந்த ஆராய்ச்சி மூலம் செவ்வாய் கிரகத்தில் மனிதர்கள் உயிர் வாழ்வதற்கான சாத்தியக் கூறுகள் குறித்து தெளிவாக அறிய முடியும் என்றும் இந்த ஆராய்ச்சியாளர்கள் நம்பிக்கையோடு கூறுகின்றனர்.

Thanks: Science Magazine

அனைத்து PDF தேவைகளுக்கும் ஒரு தளம் -Free Software

2011-01-10T14:13:00.004+03:00

மைக்ரோசாப்ட்(Microsoft Office) ஆபிஸ் நமக்கு எவ்வளவு முக்கியமானதோ அதுமாதிரி PDF மென்பொருளும் முக்கியமாகவுள்ளது . நமது அலுவலக தேவையென்றாலும் சரி சொந்த தேவையென்றாலும் சரி, PDF ல் இருந்து வேர்டுக்கு மாற்றிக்கொள்ளவும் மற்றும் விரும்பிய எந்த மொழியிலும், படங்களையும் இணைத்து மென் நூல் தயாரிக்கவும் உதவுகிறது, இந்த PDF24 Creator 2.9 மென்பொருள்.

12.5 MB அளவிலான இந்த இலவச மென்பொருளை கீழ்க்கண்ட தளத்திலிருந்து தரவிறக்கி பயன்படுத்துங்கள் அல்லது தரவிறக்காமல் அந்த தளத்திலேயே கன்வெர்ட் செய்யும் வசதிகூட உள்ளது. அது மட்டுமல்லாமல் இந்த தளத்தில் வேறு பல நல்ல இணையச் செயலிகளும் உள்ளன!
இணையச் சுட்டி : http://en.pdf24.org/

மற்றுமொரு சிறந்த PDF கன்வெர்ட்டரை எனது கடந்த பதிவிலும் இங்கே காணலாம்.

அருமையான உலகப் பொன்மொழிகள், பாகம் -02

2011-01-04T11:11:00.006+03:00

ஒன்று நிகழப் போகும் முன்பே அதைப் பற்றிக் கவலை கொள்வது இரவு பெய்யப் போகும் மழைக்குப் பகலில் குடை விரிப்பது போன்றது. -யாலப் தாம்சன்.

தற்பெருமை எங்கு முடிகிறதோ, அங்கு கண்ணியம் தொடங்குகிறது. -பங்.

முயற்சி என்பது இதயத்துள் உண்டாகும் உணர்ச்சி மட்டுமன்று, ஆற்றலைக் கிளப்பும் ஒரு தூண்டுகோள் அது. -தாகூர்.

கோழைகளைத் தவிர வேறு யாரும் பொய் சொல்வதில்லை. -மர்பி.

அதிகமாகப் பேசுபவர்கள் குறைவாகச் சிந்திக்கிறார்கள். -டிரைடன்.

வேலை மனிதனைக் கொல்வதில்லை. கவலைதான் கொல்லும் -பீசீசர்.

நீயும் உடன்படாவிடில், நீ தாழ்ந்தவன் என்ற உணர்வை உன் மேல், எவராலும் எங்கும் சுமத்த முடியாது. -எலினார் ரூஸ்வெல்ட்.

நீங்கள் விரும்பும் உரிமைகளை எல்லாம் பிறருக்கும் அளித்து விடுங்கள். - இங்கர்சால்.

மரியாதையாகப் பேசுவதும், நடப்பதுவும் செலவில்லாத செல்வங்கள். - செர்வாண்டில்.

ஓடுவதில் பயனில்லை, நேரத்தில் புறப்படுவதே தேவை. - ஜீந்தொஃபோன்தேன்.

ஏழ்மையிலிருந்து செழுமைக்குப் போகும் பிரயாணம் மிகக் கடினம். ஆனால் திரும்பி வருவது எளிது. -ஜப்பான்.

பூமியில் குடிசை கட்டுவதற்கு சக்தியற்ற சிலர், ஆகாயத்தில் அநேக அரண்மனைகளைக் கட்டிக் கொண்டிருக்கின்றனர். -வேல்ஸ்.

தொடர்ந்து மூன்று நாள் பசித்துக் கிடந்தால், ஒரு மனிதன் திருடவும் துணிவான். -கொரியா.

உங்கள் சந்ததியினருக்குச் சரியான இரண்டு வழிகளைச் சொல்லிக் கொடுங்கள். அவை இலக்கியமும் விவசாயமும். -சீனா.

தண்டிக்கப்படுகிறவன் திருடனல்ல. திருடிவிட்டு அகப்பட்டுக் கொள்கிறானே அவன்தான் திருடன். -செக்கோஸ்லோவேகியா.

பொய்யினால் வரும் இன்பத்தை விட உண்மையால் வரும் துன்பம் எத்தனையோ வகைகளில் சிறந்தது. -டென்மார்க்.

வாழ்க்கை என்பது வாழும் கலையில் ஒரு பரீட்சை. அதன் முடிவை அறிவதற்குள் நம் வாழ்க்கை முடிந்து விடுகிறது. -துருக்கி.

உழைப்புதான் ஒரு மனிதனை மற்றொரு மனிதனை விட முந்தச் செய்கிறது. - நைஜீரியா.

நூறு ஆண்டு வாழ்பவனைப் போல வேலை செய். நாளையே இறந்து விடுபவனைப் போல் சிந்தனை செய். - பல்கேரியா.

பிறர் அறியாததை வைத்து அவர்களை மதித்தல் ஆகாது. அறிந்துள்ளதை எவ்விதம் அறிந்திருக்கின்றனர் என்பதை வைத்தே அவர்களை மதிக்க வேண்டும். - பிரான்ஸ்.

இனிப்புப் பண்டங்கள் உடலைக் கெடுக்கின்றன. புகழ் சிறந்தவர்களையும் கெடுத்து விடுகிறது. - பின்லாந்து.

மரம் ஏறத் தெரியாதவன் குரங்கை நம்பி பணத்தைக் கொடுக்கக் கூடாது. - பெல்ஜியம்.

இளமை முதுமையை நோக்கி விரைகிறது. இன்பம் துன்பத்தை நோக்கி நகருகிறது. -ருமேனியா.

தொடரும் ..

பொன்னான மொழிகள் பொன்மொழிகள்!

2011-01-03T10:05:00.006+03:00

மனித வாழ்க்கையின் நல்வழிகாட்டிக்கு தேவையான அர்த்தம் பொதிந்த வார்த்தைப் பிரயோகங்களை அல்லது சொற்களை பொன்மொழிகளாக கூறலாம்.அந்த வகையில் நம் உலக முன்னோர்கள் கூறிய பொன்னான பொன்மொழிகளை நான் படித்த பல புத்தகங்கள் மற்றும் பத்திரிகைகளிருந்து இங்கே தொகுத்துதருகின்றேன் நீங்களும் படித்துப் பயனடைவது மட்டுமல்லாமல் உங்கள் உறவுககளுக்கும் கற்றுக்கொடுங்கள்.

பாகம்-01

சூரியனை மறைக்க முடியுமா?
சூரியனை விட மேகங்கள் சக்தி வாய்ந்தவையும் அல்ல; நீடித்தவையுமல்ல. மேகங்கள் எவ்வளவு பெரியவையாய் இருந்தாலும், அவற்றால் சூரியனை அடியோடு மறைத்து விட முடியாது. இதைப் போன்றுதான் ஒரு நல்ல மனிதனைத் தலைதூக்க விடாமல் செய்ய்யும் கயவர் கூட்டத்தின் முயற்சியும். -தாகூர்.

பயனில்லாத நம்பிக்கை
நமக்கு ஏராளமான சந்தேகம் தோன்றுகிறது. அதற்காக நாம் மனச்சோர்வடைய வேண்டியதில்லை. சுத்தமான கேள்விகள் நம்பிக்கையை வலிவும் வன்மையும் உடையவனாய் வைத்திருக்கும். ஐயப்பாட்டுடன் தொடங்கினாலன்றி ஆழ்ந்த நம்பிக்கை கொள்வதென்பது சாத்தியமில்லை. சிந்திக்காமல் மேலெழுந்தவாரியான நம்பிக்கை கொள்பவனின் நம்பிக்கையால் பயனில்லை. அசைக்க முடியாத நம்பிக்கை கொண்டு இருப்பவன் ரத்தமும், தண்ணீரும் சிந்தி அந்நம்பிக்கையைப் பெற்றிருக்கிறான். முள்ளும் புதரும் நிறைந்த காட்டைக் கடந்து நல்ல பாதையை அடைபவனைப் போல் சந்தேகத்திலிருந்து உண்மையை அறிய முயன்றவன். -ஹெலன் கெல்லர்.

பிச்சையெடுக்கும் பணக்காரர்கள்
சிலரிடம் நிறைய இருந்தும், இன்னும் வேண்டும் என்று ஏங்குகிறார்கள். என்னிடம் மிகக் கொஞ்சமே இருந்த போதிலும் இன்னும் வேண்டும் என்ற ஏக்கம் என்னிடம் இல்லை. நிறைய இருந்தும் பிச்சையெடுக்கிறார்கள். என்னிடம் மிகக் கொஞ்சமே இருந்த போதிலும் மற்றவர்களுக்கு நான் கொடுக்கும் நிலையில் இருக்கிறேன். அவர்களிடம் ஒன்றும் இல்லை. என்னிடம் அனைத்தும் இருக்கிறது. அவர்கள் வாழ்வதில்லை. நான் வாழ்ந்து வருகிறேன். -சர்.எட்வர்ட் டையர்.

நிரந்தரமில்லாத வாழ்க்கை
மனித வாழ்க்கை என்பது குறுகிய காலமே இருக்கக் கூடியது. அக்காலத்தில் தர்மத்தைப் போற்றி வாழ மனிதன் கற்றுக் கொள்ள வேண்டும். செல்வத்தைச் சேகரிப்பதிலோ இன்பத்தை நாடி அலைவதிலோ பொழுதை வீணாக்கி விடக் கூடாது. இவை எல்லாம் நிரந்தரமானவை அல்ல. நொடிப்பொழுதில் மாறிவிடக் கூடியவை. -ஸ்ரீ ரஹோத்தமச்சார்.

கட்டுப்பாடுகள் எதற்காக?
கட்டுப்பாடுகள் நமது மதத்தில் நமக்கு நன்மை கிடைப்பதற்காகத்தான் ஏற்படுத்தப் பட்டிருக்கின்றன. அவற்றை மதித்து நடப்பதுதான் தர்மம். அதுதான் கடசியில் நன்மையைக் கொடுக்கும். அதை மீறி நடப்பதால் தற்காலிகமான லாபங்கள் கிடைக்கலாம். ஆனால் அவை நிலைக்கக் கூடியவை அல்ல. -பகவத் கீதை.

மனத்தைச் சுத்தமாக வை
பயனில்லாமல் எதேச்சையாக மனம் செல்வதைத் தடுத்துக் கொள்ள வேண்டும். திடீரென்று ஒருவர், "நீ இப்போது என்ன நினைத்துக் கொண்டிருக்கிறாய்" என்று கேட்டால், உடனே தயங்காமல் உள்ளதை உள்ளபடியே "இதை நினைத்தேன், இது என் மனத்தில் உள்ள எண்ணம்" என்று எளிதில் செல்லக்கூடியவாறு மனத்தைச் சுத்தமாக வைத்துக் கொள்ள வேண்டும்.- மார்க்கஸ் அவுரேலியஸ்.

அச்சம் உருவாக்கும் எண்ணங்கள்
உலகம் வீரர்களுடையது. சத்தியமான வார்த்தை. வீரனாக இரு. எப்போதும், "அச்சமில்லை!"என்று சொல்லிக் கொள். பிறருக்கும் இதைச் சொல். "அஞ்சாதீர்கள்! அச்சம் மரணம், அச்சம் பாவம், அச்சம் நரகம், அச்சம் அதர்மம், அச்சம் தீயொழுக்கம், உலகத்திலுள்ள தவறான எண்ணங்கள் எல்லாம் பயத்திலிருந்துதான் பிறந்திருக்கின்றன. -விவேகானந்தர்.

தெய்வத்தின் கருவியாக
தெய்வமே! என்னைத் தங்கள் கருவி ஆக்கிக் கொள்ளுங்கள். பிறர் என்னைச் சமாதானப்படுத்த வேண்டும் என்று எதிர்பார்க்காமல், நான் பிறரைச் சமாதானப்படுத்துவேனாக. பிறர் என்னைப் புரிந்து கொள்ள வேண்டும் என்று நினைக்காமல், நான் பிறரைப் புரிந்து கொள்ள முயல்வேனாக. பிறர் என்னை நேசிக்கட்டும் என்று காத்திராமல், நான் அவர்களை நேசிப்ப்பேனாக. -புனித பிரான்ஸிஸ்.

தொடரும் ...

2041 வருடங்களின் பின்னர் 2011 ஆண்டில் 6 கிரகணங்கள் நிகழவுள்ளன!

2011-01-01T15:27:00.003+03:00

2011 ம் இந்த ஆண்டில் நான்கு சூரிய கிரகணங்களும், இரண்டு சந்திர கிரகணங்களுமாக மொத்தம் ஆறு கிரகணங்கள் நிகழவுள்ளதென இந்திய வானியல் ஆய்வாளர்கள் தெரிவித்துள்ளனர்

இதன்படி எதிர்வரும் ஜனவரி 4ம் திகதி முதலாவது சூரிய கிரகணம் தென்படவுள்ளது.

பின்னர் ஜூன் 2 ஆம் திகதி, ஜூலை மாதம் 1 ஆம் திகதி, மற்றும் நவம்பர் 25 ஆம் திகதி ஆகிய நாட்களில் சூரிய கிரகணம் தென்படும் என தெரிவிக்கப்படுகிறது.

இதில் முதலாவதை தவிர்ந்த ஏனைய மூன்று சூரிய கிரகணங்களும் இந்தியாவுக்கு மட்டும் தென்படாது,இதேவேளை எதிர்வரும் ஜூன் மாம் 15ம் திகதி மற்றும் டிசம்பர் மாதம் 10 ஆம் திகதியும் சந்திர கிரகணம் தென்படும் என இந்திய இமாச்சல பிரதேச கந்தகர் வானிலை நிபுணர் ராஜீவ் சர்மா தெரிவித்துள்ளார். இவ்வாறு நான்கு சூரிய கிரகணங்களும் இரண்டு சந்திர கிரகணங்களும் ஒரே ஆண்டில் (2011) தென்படுவது 2041 ஆண்டுகளுக்கு பின்னர் இந்த ஆண்டு நிகழவுள்ளதாக அவர் சுட்டிக்காட்டியுள்ளார்.

Thanks : Thinakkural

ஆபத்தான வைரஸ் எச்சரிக்கை !

2010-12-29T07:11:00.005+03:00

நாம் இணையத்தில் உலாவிக் கொண்டிருக்கும் போது நமது கணினியில் வைரஸ் இருப்பதாகவும், அதை விண்டோஸ் இயங்கு தளம் கண்டறிந்ததாகவும் என விண்டோஸ் இயங்குதளம் அறிவிப்பது போலவே படம் ஒன்றில் உள்ளவாறு சிவப்பு நிற அபாய எச்சரிக்கையுடன் ஒரு தகவல் காட்டப்படும். என்னவோ ஏதோவென்று பதறியடித்து அடுத்தடுத்த பக்கத்துக்குச் சென்றோமானால் , படம் மூன்றில் உள்ளவாறு நமது கணனியில் பரவியுள்ள வைரஸ் வகைகளை வகைப்படுத்தி இவற்றையெல்லாம் நீக்கிவிடு(Remove all) என அறிவிப்பு வரும் உடனே அவிசர அவிசரமாக சொடிக்கிவிட்டால் அவ்வளவுதான் கதை முடிந்துவிட்டது நமது கணனியில் வைரஸ் குடியேறி செயல்படத் துவங்கிவிடும்.

படம் 1

படம் 2

படம் 3

இதில் இன்னும் ஆபத்தான விசயம் என்னவென்றால் நாம் என்னதான் பாதுகாப்பான அண்டி வைரஸ் மென்பொருளை நமது கணனியில் நிறுவியிருந்தாலும் அதையும் ஊடறுத்து தாக்கக் கூடியது இந்த போலியான வைரஸ் எனவே நாம் இணைய உலாவியில் இருக்கும் போது இதுபோன்ற விண்டோஸ் வைரஸ் எச்சரிக்கைகள் வந்தால் மிக மிக அவதானமாக செயற்படவேண்டும். இதே பாணியில்த்தான் எனது நண்பர் ஒருவரின் கணணிக்குள் வைரஸ் புகுந்தது பின்னர் பார்மட் செய்துதான் மீட்டெடுத்தார் ஆனால் பார்மட் செய்யாமல் மீட்டெடுக்க முடியும் முயற்ச்சி செய்கிறேன் வெற்றி கிடைத்தால் மற்றுமொரு பதிவாக பதிவிடுகின்றேன்.

இத்தோடு எனது 2010 ஆண்டுக்கான பதிவுகளை முடித்துகொள்கின்றேன் இதுவரை காலமும் எனது தளத்திற்க்கு வருகை தந்து ஆதரவு தந்த அன்புள்ளங்கள் அனைவருக்கும் நன்றிகள்.

இனிய புத்தாண்டு வாழ்த்துக்கள்.

இப்பதிவு அனைவரையும் சென்றடைய உங்கள் அன்பான வாக்குகளை வழங்குங்கள்
நன்றி.

நினைப்பதால் தும்மல் வருமா?

2010-12-26T22:05:00.004+03:00

நமது தொண்டைக்கு மேல் நாசிப் பகுதியில் நுழையும், உறுத்தும் பொருட்களை வெளியேற்ற உடல் மேற்கொள்ளும் முயற்சி தும்மலாக வெளிப்படுகிறது தும்மலின் போது நாவை உயர்த்தி அண்ணத்தை தாழ்த்துகிறோம். நாசித் துளைகளை விரித்து இழுத்து அடக்கிய மூச்சுக்காற்றை மிகுந்த வேகத்துடன் விசையாக நாசி வழிச் செலுத்துகிறோம் இது நாசியில் அடைத்து உறுத்தும் பொருளை வெளியேற்றும் வழியாகும் இதன் விளைவால் தும்மல் வருகிறது.

நாசியில் திரியிடுதல்,மூக்குப் பொடி போன்ற பொருட்களை திணித்தல்,துளசி,மகரந்த பொடி போன்ற பொருட்கள் மூக்கில் நுழைத்தல், போன்றவற்றின் போது உறுத்தல் ஏற்படுகிறது உறுத்தல் ஏற்படுகையில் தானியக்கச் செயலாக தும்மல் வெளிப்படுகிறது பிறர் நம்மை நினைப்பதற்கும், தும்மலுக்கும் எவ்வித தொடர்பும் இல்லை என்பதுதான் உண்மை.

Thanks: Science magazine

விகடனுக்கு நன்றிகள் !

2010-12-25T15:02:00.007+03:00

உலகமெங்கும் பரந்து விரிந்து வாழும் தமிழ் பேசும் வாசக பெருமக்களின் உள்ளங்களில் தனக்கென ஒரு இடத்தை பிடித்திருக்கும் விகடனினால் எனது வலைத்தளதிட்க்கு தகவல் கடல் என தலைப்பிட்டு கடந்த வியாழன் (23.12.2010) அன்று வெளியிட்டு உலகறிய செய்தற்க்கு எனது மனமாந்த நன்றிகள். இத் தகவலை படித்தவுடன் தமிழகத்திலிருந்து தெரியப்படுத்திய அன்பு நண்பன் பலே பாண்டியா அவர்கட்கும் மிக்க நன்றிகள்.

இதுபோன்று சக பதிவர்களையும் தொடர்ந்து ஊக்கப்படுத்த வேண்டுமென தாழ்மையுடன் விகடனைக் கேட்டுக்கொள்கின்றேன்.

வாழ்க விகடன் ......
நன்றி

ஆங்கிலத்திற்க்கு ஒரு அருமையான அகராதி !

2010-12-10T10:20:00.006+03:00

என்னதான் ஆங்கில மொழியில் மேதையாக இருந்தாலும் ஏதாவது ஒரு வார்த்தைக்கு அர்த்தம் தெரியாமல் திண்டாடுபவர்கள் எத்தனையோ பேர் (நான் உட்பட) அதுபோல புதிய புதிய ஆங்கிலச் சொற்களும் நாளாந்தம் வந்துகொண்டுதான் உள்ளது.

விடைதெரியாத ஆங்கில சொற்களுக்கு ஆடியோ மற்றும் வீடியோவுடன் விரிவான விளக்கம் கொடுக்கிறது இந்த விடை சொல்லும் இணையத்தளம் நானும் கடந்த 6 வருடங்களாக பயன்படுத்திவருகின்றேன் எனது அலுவலக தேவைக்கு மிகவும் பயனுள்ளதாகவுள்ளது. எனவே இன்றே நீங்களும் இந்த இணையப்பக்கத்தை சேமித்து வைத்து பயன்படுத்திப்பாருங்கள். சுட்டி : http://www.answers.com/ விரும்பிய சொற்களை கட்டத்தில் இட்டு Enter தட்டவும்.

நன்றி.

தலைமுடியின் உன்மையான நிறம் !

2010-12-08T16:45:00.003+03:00

நமது தலைமுடியின் உன்மையான நிறம் வெள்ளைதான், அதில் மெலனின் என்ற நிறம் கலக்கும்பேது தலைமுடி பல நிறங்களை அடைகிறது. தலை முடியானது சருமத்தின் ரோமக்குழியிலிருந்து தோன்றும் இடத்திலேயே மெலனினும் சேர்ந்துவிடுவதால் முடி கறுப்பாக முளைக்கிறது வயது முதிரும்போது அல்லது வயதாகி தளரும்போது ரோமக்குழு மெலனின் உற்பத்தியை நிறுத்தி முடியை இயல்பான வெண்மை நிறத்துக்கு விட்டுவிடுகிறது. சிலருக்கு மெலனின் உற்பத்தி சீக்கிரமே சில ரோமக்குழிகளில் குறைந்துவிடுவதால் இளநரை ஏற்படுகிறது. மெலனின் அளவு, அதன் வேதியல் பண்பு ஆகியவற்றுக்கேற்ப ஒவ்வொரு நாட்டினருக்கும் ஒவ்வொரு விதமான தலைமுடி நிறம் ஏற்படுகிறது.

கணனி விளையாட்டுக்கள் அனைத்தும் 100% இலவசம்

2010-11-29T07:18:00.002+03:00

கணனி விளையாட்டுக்கள் என்றால் யாருக்குத்தான் பிடிக்காது அதிலும் புதிய புதிய விளையாட்டு மென்பொருட்கள் இலவசமாக கிடைக்குதென்றால் மேலும் மகிழ்ச்சிதானே!

3D racing, 3D puzzle, 3D sports, Educational, Skill, Sports, Space shooter, Fight games மற்றும் Kids games என பல வகையான 100 க்கு மேற்பட்ட மென்பொருட்களை குழந்தைகள் இருந்து பெரியவர்கள் வரை அவரவர் விருப்பத்திற்கேற்றவாறு தெரிவுசெய்து தரவிறக்கலாம். முக்கியமாக குழந்தைகளின்/சிறுவர்களின் அறிவு வளர்ச்சியை அதிகரிப்பதற்க்கு Educational game மற்றும் Skill game போன்ற விளையாட்டுக்கள் சிறப்பாகவுள்ளது.

ஏதாவது வைரஸ் இருக்குமோ என்ற கவலையும் வேண்டாம், NO ADWARE - NO SPYWARE - NO DEMO`S - NO SHAREWARE - NO TRIALS - ONLY FREEWARE!!! என உறுதியளித்திருக்கின்றார்கள். நானும் தரவிறக்கிப் பார்த்த மட்டில் எந்தப்பிரச்சனையும் இல்லாமல் சிறப்பாக வேலை செய்கிறது தரவிறக்கத்திற்க்கு முன்னர் உங்களுடைய கணனியின் விண்டோவிக்கு (Window7 , Vista , XP) அமைவாக மென்பொருட்களை தெரிவு செய்துகொள்ளுங்கள் அவ்வளவுதான்.

இதோ தரவிறக்க சுட்டி: http://caimen.us

இப்பதிவு எல்லோரையும் சென்றடைய உங்கள் அன்பான வாக்குகளை வழங்குங்கள்.

நன்றி

அவசர அவசிய கைத்தொலைபேசி அழைப்பு

2010-11-24T17:38:00.008+03:00

இன்றைய தொழிநுட்ப்ப வளர்ச்சிக் காலத்தில் மனிதனுக்கு தனது அன்றாட தேவைக்கு பணம் இருக்குதோ இல்லையோ ஆனால் கட்டாயம் ஒரு கைத்தொலைபேசி இருக்கும் அந்தளவுக்கு அதன் தேவையும் மனிதனுக்கு முக்கியமாகவுள்ளது.

அந்தவகையில் இப்பதிவில் நாம் பார்க்கபோவது ஒரு முக்கியமான கைத்தொலைபேசி அழைப்பு இலக்கத்தைப் பற்றி இத்தகவலை சிலபேர் அறிந்திருக்கலாம் ஆனால் எல்லோரும் அறிந்திருப்பார்கள் என்பது சந்தேகமே!

நீங்கள் எங்கேயாவது சிக்னல்(coverage) குறைவான அல்லது சுத்தமாக சிக்னல் கிடைக்காத இடத்துக்கு செல்ல நேரிட்டால் அங்கிருந்து அவிசரமாக அழைப்பொன்றை ஏற்படுத்த தவியாய் தவித்துக்கொண்டிருப்பீர்கள் அந்த சமயத்தில் உங்களுக்கு கை கொடுக்கிறது இந்த அவிசர அழைப்பு இலக்கம் 112 . உடனே உங்கள் கைத்தொலைபேசியை எடுத்து இலக்கம் 112 யை டயல் செய்ததும் அருகில் உள்ள தொலைத்தொடர்பு வலையமைப்போடு தொடர்பை ஏற்படுத்திவிடும் பிறகு தொடர்பில் உள்ள ஆபெரட்டருடன் விசியத்தை கூறியதும் அவர் உங்கள் உறவுகளோடு தொடர்பை ஏற்படுத்திவிடுவார்.

இதில் சுவராசியம் என்னவென்றால் கைத்தொலைபேசி பூட்டப்படிருந்தால் கூட அதை திறக்காமலே டயல் செய்யமுடியும் (lock to unlock) மற்றும் அனைத்து வகையான கைத்தொலைபேசிகளுக்கும் இது பொருந்தும் . இதைவிட முக்கியம் என்னவென்றால் உலகத்தில் எல்லா நாட்டுக்குள்ளும் இந்த அழைப்பு முற்றிலும் இலவசமே .

என்ன உறவுகளே சந்தேகமாக உள்ளதா ? இப்பவே உங்கள் கைத்தொலைபேசியை எடுத்து unlock பண்ணாமல் இலக்கம் 112 யை டயல் பண்ணிப்பார்த்துவிட்டு உங்கள் கருத்துக்களை இங்கே கூறுங்கள்.மற்றும் இப்பதிவு எல்லோரையும் சென்றடைய உங்கள் அன்பான வாக்கும் அவசியம்.

நன்றி.

சிறுவனை விழுங்கிய முதலை: கொடூரக் காட்சிகள்

2010-11-22T23:50:00.012+03:00

இளகிய உள்ளம் கொண்டவர்கள் யாரும் இதைப் பார்க்கவேண்டாம் !
===========================================

துரதிஷ்டவசமாக இப்பதிவை எடுத்திருந்தேன் மீண்டும் பல உறவுகளின் வேண்டுகோளுக்கினங்க பதிவிட்டுள்ளேன் .

இது ஒரு விழிப்புணர்வு பதிவு

24 மணிநேரமும் பெற்றோர்கள் பிள்ளைகளை கவனமாக பாதுகாக்கவேண்டும் என்பதை உணர்த்துகிறது.

கணனி பாதுகாப்புக்கு Comodoவின் நம்பிக்கையான இலவச மென்பொருட்கள்

2010-11-19T01:09:00.001+03:00

எனது கடந்த பதிவில் கொமொடோவின் இலவச அன்டிவைரஸ் பற்றி எழுதியிருந்தேன், அதன் சிறப்பான செயற்பாடுகளால் திருப்தி அடைந்தவர்கள் ஏராளம். .உதாரணமாக இங்கு மத்தியகிழக்கு நாட்டு பல நண்பர்கள் பணம் கொடுத்து வாங்கிய அன்டிவைரசை எடுத்துவிட்டு கொமொடோவின் இலவச அன்டிவைரசை தங்கள் கணனிக்கு நிறுவி உள்ளார்கள் என்றால் அதன் தற்போதைய நம்பகத் தன்மையை மேலும் உறுதி செய்ய முடிகிறது .

உன்மையில் நமது சொந்த பாவனை கணனியின் பாதுகாப்புக்காக நம்பகமான இலவச மென்பொருட்கள் இருக்கும் போது நாம் ஏன் பணம் கொடுத்து வாங்க வேண்டும்? அந்தவகையில் கொமோடோ நிறுவனம் இன்னும் பல மென்பொருட்களை இலவசமாக நமக்கு வழங்கியுள்ளது என்பது மகிழ்ச்சியான செய்தியே.

அவற்றில் உங்களுக்கு தேவையையானவற்றை கீழே தெரிவு செய்து தரவிறக்கி பயன்படுதிக்கொளுங்கள் (ஆங்கில பெயர்கள் மீது சொடுக்கவும்: 100% free)

Comodo Disk Encryption (முக்கியமான தகவலை பிறர் திருடாமல் நமது PC குள்ளேயே கடவுச்சொல் இட்டு சேமித்து வைக்கலாம்)

Comodo System-Cleaner (கணணியை சுத்தம் செய்யலாம்)

BOClean (இன்டர்நெட் செக்யூரிட்டியின் ஒரு பகுதி ; மால்வேர் மற்றும் ரோஜன் ஹோர்ஸ் கிருமிகளை இணையத்தில் இருக்கும் போதே அழிக்கும் வல்லமை கொண்டது)

VerificationEngine (இதுவும் இன்டர்நெட் செக்யூரிட்டியின் ஒரு பகுதி : நாம் தவறுதலாக செல்லும் இணையப்பக்கங்களை பாதுகாப்பானதா? என்று உறுதிபடுத்தவும் மற்றும் மின்னஞ்சல்-கடவுச்சொல் முன் எச்சரிக்கையும் கொடுக்கும்)

Comodo Cloud Scanner (முக்கியமாக கோப்புகளில் ஒளிந்துருக்கும் கிருமிகளை தேடிப்பிடித்து அழிக்கும் திறன்கொண்டது. இதை கோப்புகளின் மீது வலது சொடுக்கி செயட்படுத்தவும்)

Comodo Backup ( அனைத்து கோப்புகளையும் பிரதியெடுத்து சேமித்து வைக்கலாம் அவற்றை வேறு கணனி மூலமாகக் கூட செயற்படுத்த முடியும்)

Comodo AntiSpam (outlook e-mail பாவனையாளர்கள் Spam மற்றும் Junk e-mail களை நிறுத்தமுடியும்)

அடுத்து கொமொடோவின் முற்று முழுதான இலவச அன்டிவைரஸ் பதிப்பை இங்கிருந்து தரவிறக்கி பயன்படுத்துங்கள்.

இப்பதிவு சம்பந்தமான தங்கள் வழமையான கருத்துக்களை கூறுங்கள்.

நன்றி: Comodo

என் பதிவுக்கு வந்த சோதனை

2010-11-17T10:35:00.001+03:00

முதலில் இப்பதிவை படிக்க வந்த உங்கள் எல்லோருக்கும் வணக்கமும் நன்றிகளும்.

மிக பிரபல்யமான லங்கஸ்ரீ (Lankasri Technology) இணையத்தளத்தில் எனது அன்மைய பதிவைக் கண்டு சந்தோசப்பட்ட அதேவேளை எனக்கு வந்த அனாமிகளின் பின்நூட்டத்தினால் மனவேதனையும் அடைந்தேன். காரணம் என்னவோ நான்தான் Lankasri Technology இணையத்தளத்தில் இருந்து காப்பி அடித்து எனது வலைதளத்தில் பதிவு போட்டு பின்னூட்டமும் வாக்கும் கேட்டமாதிரி இருந்தது அனாமிகளின் கருத்து.

உன்மையில் எங்களைப்போன்ற சாதாரண வலைப்பதிவர்களின் உன்மையான ஆக்கங்கள் இப்படி பிரபல்யம் வாய்ந்த இணையத்தளங்களில் முகவரி இல்லாமல் வெளியிடப்படும்போது யார்தான் நம்புவார்கள். பதிவை கண்ட மறுநாளே எனது பெயர் அல்லது எனது வலைத்தளத்தின் முகவரியோ இடும்படி தாழ்மையுடன் மின்னஞ்சல் ஊடாக அவர்களை கேட்டுருந்தேன், இதுவரைக்கும் எந்தப் பதிலும் இல்லை எனது பதிவில் மாற்றமும் இல்லை.

அன்பாந்த வாசர்களே எனது பதிவுகள் அனைத்தையும் படித்தால் உங்களுக்கு புரியும் சில பதிவுகளை எந்த இணையத்தளத்தில் இருந்து எடுத்தேனோ அதன் முகவரியையும் கீழே கொடுத்திருப்பேன். ஆனால் நான் சொந்தமாக எழுதிய பதிவுகளுக்குத்தான் உரிமையோடு வாக்கும் பின்னூட்டமும் கேட்டுருப்பேன் . அவற்றில் ஒன்றுதான் "பாதுகாப்பான கடவுச்சொல் எவ்வாறு அமைக்கலாம்" இப்பதிவை பாரிய வேலைப்பளுவுக்கும் மத்தியில் கொஞ்சம் கொஞ்சமாக எழுதினேன் எனக்குத்தான் தெரியும் ஒவ்வொரு வரிக்கும் நான் கொடுத்த நேரத்தின் பெறுமதி என்னவென்று!

எனவே எதிர்காலத்தில் எங்களைப்போன்ற வலைப்பதிவர்களின் ஆக்கங்களை லங்கஸ்ரீ (lankasri technology போன்ற பிரபல்ய இணையத்தளங்கள் எங்களது வலைத்தளத்தின் முகவரியோடு வெளியிட்டால் நீங்கள் எங்களுக்கு கொடுக்கும் விருது அல்லது அங்கீகாரமாக நாங்கள் கருதமுடியும்.

எனது பதிவு லங்கஸ்ரீயில் http://www.z9tech.com/view.php?22cQ0FTc2e2VZBZb2e2ceOJ7acd2eQAA0cde4AMCC0b4edlmA2a4dndnB4302dr96C40

நன்றி

பாதுகாப்பான கடவுச்சொல் எவ்வாறு அமைக்கலாம் ?

2010-11-15T17:00:00.002+03:00

இப்போதெல்லாம் பார்த்தால் அதிகமானோர் சட்டைப் பையில் பணம் இருக்குதோ இல்லையோ பல பல கிரடிட் அட்டைகள் வைத்துருப்பார்கள் அல்லது கடைசி ஒரு வங்கியின் ATM அட்டையாவது இருக்கும். ஆனால் இவற்றையெல்லாம் பாதுகாப்பாக பயன்படுத்துவதே இன்று பெரும் சவாலாக உள்ளது.

இணைய மூலம் பொருட்கள் வாங்குவது (online shopping) மற்றும் இணைய வங்கிச்சேவை (net banking) என புதிய தொழிநுட்ப்ப வசதிகளோடு நாம் வாழவேண்டிய கட்டாயச் சூழல் இது. ஆனால் இவற்றையெல்லாம் கையாழ்வதட்க்கு மின்னஞ்சல் ஒன்று அவசியம் மின்னஞ்சல் என்று வந்துவிட்டால் அதன் கடவுச்சொல் பாதுகாப்பானதா? என்பது மிக முக்கியம் இதற்க்கு முன்னர் நமது கணனி பாதுகாப்பானதா? என்பது மிக மிக முக்கியம், இல்லையென்றால் எல்லாம் அதோ கெதிதான் உழைப்பவன் யாரோ சும்மா உட்க்காந்து சாப்பிடுபவன் யாரோ என்று நம் கதை வராமல் பார்ப்பது நம் கையில்த்தான் உள்ளது.

சரி பாதுகாப்பான கடவுச்சொல் எப்படி அமைக்கலாம் என்று பார்ப்போம்!

நமது கடவுச்சொல் திருடுபோவது நமது கையில்தான் இருக்கிறது எனது கடவுச் சொல்லைக் கண்டுபிடியுங்கள்’ பார்க்கலாம் என்று உங்களிடம் சொன்னால் முதலில் என்ன செய்வீர்கள்? எனது பெயர், என் அப்பா பெயர், என் ஊர், என் வயது அல்லது 123456 , abcdef இந்த மாதிரிதானே முயற்சி செய்வீர்கள்? இதுபோன்ற பெயர்களை கொண்டு கடவுச்சொல் உருவாக்குவதை நாம் முற்று முழுதாக தவிர்த்துக்கொள்ளவேண்டும் .

இதுமாதிரி அர்த்தம் தரும் வேறு எந்த பெயரையும் பயன்படுத்துவது பாதுகாப்பானதல்ல இதற்கென சில திருட்டு மென்பொருட்கள் உள்ளன அதில் இதுபோன்ற கடவுச்சொல் சேமித்து வைக்கும் கோப்பைக் கொடுத்தால் போதும் உடனே உங்கள் கடவுச்சொல்லை கண்டுபிடித்துவிடும்.

அடுத்து நீங்கள் கடவுச்சொல்லை தட்டச்சு செய்யும்போது யாரும் பின்னால் இருந்து பார்க்கின்றனரா? என உறுதி செய்துகொள்ளுங்கள் பக்கத்தில் யாரும் இருந்தால் கடவுச்சொல் இடுவதை நிறுத்துங்கள் பல இடங்களில் 6 இலக்கமே போதும் எனச் சொல்வார்கள் ஆனால் நீங்கள் நீளமான கடவுச்சொல்லை அமைத்துக்கொள்ளுங்கள் கடவுச்சொல் இடும் கட்டம் தாண்டியும் நீளமாக கடவுச்சொல்லை அமைத்துக் கொள்ளலாம்.

ஸ்பைவேர்,மால்வேர் போன்ற வைரஸ்கள் நமது கணினியில் இருந்து தகவல்களை சிலருக்கு அனுப்பிக் கொண்டிருக்கலாம். இச் சந்தர்ப்பத்தில் நமது கடவுச்சொல்லும் போக வாய்ப்புண்டு.எனவே நீங்கள் கணினித்திரையின் கீழ்ப் பக்கம் வலது சொடுக்கி Task Manager திறந்து பாருங்கள் உங்களுக்குத் தெரியாத ஏதேனும் பின்புலத்தில் ஓடிக் கொண்டிருக்கிறதா? என்று இம்மாதிரி மென்பொருட்கள் நீங்கள் தட்டச்சு செய்பவனவற்றை உடனுக்குடன் தனது முதலாளிக்கு அனுப்பும் வல்லமை வாய்ந்தவை. மற்றவர்களின் கணினியில் புகுந்து திருடுவது சேதம் விளைவிப்பது என்பது ஒரு சிலரால் மட்டும்தான் முடியும் எதோ நானும் செய்தேன் என்று சும்மாவேனும் சிலர் பொய் சொல்லக் கூடும் அதற்கு Hack மற்றும் Crack போன்ற துறைகளில் நல்ல தேர்ச்சி வேண்டும் எனவே மற்றவர் உங்கள் கணினியில் நுழையாமல் தடுக்க நல்ல வைரஸ் பாதுகாப்பு மென்பொருளை நிறுவிக்கொள்ள வேண்டும்.

முடிந்தவரை ஜிமெயில் , யாஹூ மற்றும் கொட்மெயில் போன்ற தளங்களில் தானாக உள்ளே நுழைவதை (auto login) தவிருங்கள். அதேபோல ஒவ்வொரு முறையும் மின்னஞ்சல் அல்லது கடவுச்சொல் இட்ட தளங்களில் இருந்து வெளியேறும்போது லாக்கவுட் செய்து வெளியேறுங்கள்.

அடுத்து முக்கியமாக நாம் கடவுச்சொல் தேர்வு செய்யும்போது எண்கள் மற்றும் எழுத்துகளுக்கு இடையிடையே சிம்போல் (symbol) :- ! . , * - + `~ @ # $ % ^ & ( ) _ = : ; \ / போன்றவைகளையும் உள்ளடக்கி கடினமான கடவுச் சொல்லாக தேர்வு செய்வது மிக மிக பாதுகாப்பானது.

பதிவு பிடித்திருந்தால் மறக்காமல் உங்கள் கருத்துகளையும் வாக்குகளையும் இட்டுச் செல்லுங்கள்.

நன்றி

அதிவேக ஜெட் விமானங்கள் : நாஸா உருவாக்கம்

2010-11-08T07:58:00.001+03:00

நாசாவின் அடுத்த அதிரடியாக அதிவேக 'ஹைப்பர்சொனிக்' (Hypersonic Jets) ஜெட் விமானங்களை உருவாக்கவுள்ளதாக நாஸா தெரிவித்துள்ளது.

'ஹைப்பர்சொனிக்' என்பது ஒலியின் வேகத்தினை விட 5 மடங்கு வேகமாகசெல்லுதலாகும். ஒலியின் வேகம் ஈரப்பதம் இல்லாத காற்றில் செக்கனுக்கு 343.2 மீட்டர்களாகும்.

விண்வெளிக்கென தயாரிக்கப்பட்ட போதிலும் இவ்விமானம் பயணிகள் விமான சேவைக்கு உபயோகப்படுத்தப்படுமாயின் நியூயோர்க்கிலிருந்து சிட்னிக்கு 2 1/2 மணி நேரத்தில் சென்றடைய முடியும் நாஸா தெரிவித்துள்ளது. இதற்கென நாஸா அடுத்த 3 வருடங்களுக்கும் தலா 5 மில்லியன் அமெரிக்க டொலர்கள் வரை ஒதுக்கீடு செய்யவுள்ளது. _

எனவே இனி வரும் காலங்களில் நாமும் விரைவாக சில மணித்தியாலங்களில் உலகை வலம் வரலாம் என்பது திண்ணம்.

சூரிய சக்தியில் கணினி கீபோர்ட் அறிமுகம்

2010-11-04T13:44:00.002+03:00

தனது அடுத்த அறிமுகமாக லொஜிடெக் (Logitech) நிறுவனம் அண்மையில் கணினிகளுக்கு பயன்படுத்தப்படும் சூரிய சக்தியில் இயங்கக்கூடிய வயர்களற்ற கீபோர்ட்டை (K750) அறிமுகப்படுத்தியுள்ளது.

இதற்கு முன்னர் இருந்த வயர்களற்ற (Wireless) கீபோர்ட்கள், பற்றரிகளின் மூலமே இயங்கி வந்தது. ஆனால் லொஜிடெக்கின் புதிய கீபோர்ட்கள் சூரிய ஒளியின் மூலம் இயங்குகிறது.

ஒரு தடவை முற்றாக 'சார்ஜ்' செய்தால், சுமார் 3 மாத காலம் வரை தொடர்ச்சியாக இதனைப் பயன்படுத்த முடியுமென லொஜிடெக் நிறுவனம் உறுதியளிக்கின்றது.

தற்பொழுது இந்த கீபோர்ட் 80 அமெரிக்க டொலருக்கு விற்பனையாகிறது மிக விரைவில் குறைந்த விலைக்கு நாமும் வாங்கிப் பயன்படுத்தி பார்க்கலாம்.

Thanks: http://www.logitech.com/en-us/keyboards

உடலில் சிறுநீரகக் கல் எவ்வாறு உருவாகின்றது ?

2010-11-02T15:37:00.000+03:00

உடலில் எந்த இடத்திலும் கல் உருவாகலாம். சிறுநீர் பையில், சிறுநீரகத்தில், சிறுநீர் பாதையில் கல் உருவாவது சகஜம். இந்தியாவில் 80 லட்சம் மக்கள் வரை, இந்த உபாதையால் பாதிக்கப்படுகின்றனர்.

'கிட்னி ஸ்டோன்’ என்பதால், அது சிறுநீரகத்தில் மட்டும் தான் ஏற்படும் என்று கருதக் கூடாது. சிறுநீரை வெளியேற்றக் கொண்டு செல்லும் பாதையில் ஏற்படலாம். சிறுநீரைத் தேக்கி வைக்கும் பையில் ஏற்படலாம். சிறுநீரை வெளியேற்றும் இறுதி உறுப்பில் ஏற்படலாம். மிகச்சிறிய கல்லாகவும் தோன்றலாம்; ஒரு எலுமிச்சை அளவுக்கும் ஏற்படலாம். கல்லின் அளவு பொறுத்து, வலியின் தீவிரம் இருக்கும் எனக் கருதுவது தவறு. பெரிய கல், வலியே இல்லாமல் வளரலாம். கண்ணுக்கே தெரியாத சிறிய கல், அதிக வலி கொடுக்கலாம். கல் உருவாவதால் ஏற்படும் வலியை, பிரசவ வலியோடு ஒப்பிடலாம். எவ்வளவு பெரிய பலசாலியையும் ஆட்டிப் போட்டு விடும் இந்த வலி.

சிறுநீர் செல்வதில் சிரமம் ஏற்படுவதில் துவங்கி, இருபக்க இடுப்பின் பின் பக்கத்திலிருந்து அலை போல வலி உருவாகி, பிறப்புறுப்பு வரை பரவும். சிரமப்பட்டு வெளியேற்றப்படும் சிறுநீர் அதிக மஞ்சள் நிறத்துடன் காணப்படும். சிலருக்கு சொட்டு சொட்டாகவும் வெளியேறும். இதனால் தொற்று ஏற்பட்டால், காய்ச்சல் உண்டாகும். வெப்ப பகுதிகளில் வசிப்போருக்கு, உடலில் நீர்சத்து குறையும் போது, இதுபோன்று கற்கள் அடிக்கடி ஏற்படும். 40 – 60 வயதுள்ள ஆண்களிடையே இந்த உபாதை அதிகம் காணப்படுகிறது.

பரம்பரையாகவும் இது ஏற்படலாம். கல் உருவாகி, சிகிச்சை எடுத்து கொண்டோரில் 50 சதவீதத்தினருக்கு, 10 ஆண்டுகளுக்கு பின் மீண்டும் கல் தோன்ற வாய்ப்பு உண்டு. உடலில் உள்ள மொத்த ரத்தமும், சிறுநீரகம் வழியே செல்கிறது. ரத்தத்திலிருந்து நீரையும், ரசாயனங்களையும், சிறுநீரகம் பிரிக்கிறது. ரசாயனங்கள் கல் ஆகாமல் இருக்க, சிறுநீரகமும் சில கரைப்பான்களை சுரக்கிறது. அதையும் மீறி தோன்றும் சிறு கல்கள், ஒன்றாகச் சேர்ந்து பெரிய கல்லாக உருவாகி விடுகின்றன. சிறுநீரகத்தில் கரைப்பான்கள் சுரப்பதில், பரம்பரையாகத் தடை கொண்டவர்களுக்கு, கல் உருவாவது சகஜம். அடிக்கடி தொற்று ஏற்பட்டாலோ, சிறுநீர் அடர்த்தியாக இருந்தாலோ, அடிக்கடி வெகுநேரம் சிறுநீரை அடக்குபவர்களுக்கோ கூட, கரைப்பான்கள் சுரப்பதில் பிரச்னை ஏற்படும். மூட்டு வீக்கத்தால் பாதிக்கப்படுபவர்களின் உடலில் உப்பு அதிகம் சுரப்பதாலும், சிறுநீரகத்தில் கல் உருவாகும்.
எந்த அறிகுறியும் தெரியாத சிறுநீரகக் கல்லை, அல்ட்ரா சவுண்டு ஸ்கேன் அல்லது எக்ஸ்-ரே எடுத்து பார்த்து அறிந்து கொள்ளலாம். வலி போன்ற பொதுவான அறிகுறிகளைச் சொன்னாலே, கல் இருக்கிறதா என்பதை பரிசோதிக்க, இது போன்ற பரிசோதனைகளை எடுக்குமாறு, டாக்டர் பரிந்துரைப்பார். சில நேரங்களில், ஐ.வி.பி., என்ற, நரம்பில் சாயம் ஏற்றி, கல் இருக்கும் இடத்தையும், அதன் அளவையும் கண்டறியும் பரிசோதனையும் செய்யப்படுகிறது. கற்களை நீக்க, பெரும்பாலான நேரங்களில் கடுமையான சிகிச்சை முறைகள் மேற்கொள்ளப்படுவதில்லை. நாள் ஒன்றுக்கு, நான்கைந்து லிட்டர் தண்ணீர் குடிப்பவருக்கு, சிறுநீரகத்தில் கல் இருந்தாலும், சிறுநீர் மூலம் வெளியேறி விடும். வலி ஏற்பட்டால், வலி நிவாரணி மாத்திரைகள் சாப்பிடலாம். கல்லில் உள்ள ரசாயனங்கள் குறித்து அறிந்து கொண்டால், அதை வைத்து, மருந்து, உணவுக் கட்டுப்பாடுகளை டாக்டர் பரிந்துரைப்பார். தொடர்ந்து கடும் வலி, மிகப்பெரிய கல் ஆகியவை இருந்தால், அறுவை சிகிச்சை மூலம் மட்டுமே அதை அகற்ற முடியும். கல் வளர்ந்து கொண்டே இருப்பது, தொடர் தொற்று ஆகியவை, சிறுநீரகத்தை பாதிக்கும் என்பதால், இதுபோன்ற நிலைகளில், அறுவை சிகிச்சை செய்யப்படுகிறது. சிறுநீரகத்தை திறந்து, அறுவை சிகிச்சை மேற்கொள்வது இல்லை. கல் இருக்கும் இடத்தில், உடலின் மேற்புறம், மின் அலைகள் உருவாக்கப்படுகிறது. இந்த அதிர்வலைகள், கல்லைத் தாக்கி, அதை உடைக்கின்றன. பொடியான கற்கள், சிறுநீர் வழியே வெளியேறி விடும். சிறுநீர் பாதையை கல் அடைத்து கொண்டால், செயற்கை குழாய் பொருத்தி கல்லை அகற்றலாம். வேறு சிகிச்சை முறைகளும் உள்ளன. இந்த உபாதை, 21ம் நூற்றாண்டைச் சேர்ந்தது எனக் கருத வேண்டாம். 7,000 ஆண்டுக்கு முன்னால் இறந்த மனிதர்களிடமும் இது காணப்பட்டது. தற்போது சிறு வயதினர், குறிப்பாக குழந்தைகளிடம் இந்த உபாதை காணப்படுகிறது. சீனாவில், பால் பவுடரில் உள்ள மெலாமைன் என்ற பொருளால், குழந்தைகளுக்கு சிறுநீரகக் கல் உருவாவதாகக் கண்டறியப்பட்டுள்ளது. மற்ற நாடுகளில், குழந்தைகள் அதிக உடல் எடையுடன் இருப்பது, உடல் பயிற்சி இல்லாமல் இருப்பது, காற்றூட்டப்பட்ட குளிர்பானங்களை குடிப்பது போன்ற காரணங்களால், கல் உருவாகிறது.

சிறுநீரகக் கல் உருவாவதை தடுக்க இயற்கை வழிமுறைகள் உள்ளன.

* பச்சை டீ அல்லது பால் கலக்காத டீ குடிப்பது நல்ல பலனைத் தரும். அதில் உள்ள ஆன்டியாக்சிடன்ட் தன்மை, சிறுநீரகத்தில் தொற்று ஏற்படாமல் தடுக்கும். சிறுநீர் உற்பத்தியை அதிகரிக்கும்.

* சாத்துக்குடி, எலுமிச்சை சாறு குடிப்பது நல்லது. அவற்றில் உள்ள அமிலம், சிறுநீரில் கலப்பதால், கல் உருவாகும் வாய்ப்பைத் தடுக்கிறது.

* வாழைத் தண்டு சாப்பிடுவது, அதன் சாறை வாரத்திற்கு இரண்டு அல்லது மூன்று முறை குடிப்பது ஆகியவை நல்ல பலனைத் தரும்.

* மட்டன், மீன் சாப்பிடுவதைக் குறைப்பதும் கல் உருவாவதை தடுக்கும்.

* தினமும் இரண்டரை முதல் மூன்று லிட்டர் தண்ணீர் பருகுவது மிக மிக நல்லது. கூடவே, தினமும் உடற்பயிற்சியும் செய்ய வேண்டும். தூங்க செல்வதற்கு முன், ஒரு கிளாஸ் தண்ணீர் குடித்து விட்டு தூங்குவ துநல்லது

நன்றி : தமிழ் மருத்துவம்

சூரியனை போல இருமடங்கு பெரிய நட்சத்திரம் கண்டுபிடிப்பு

2010-10-30T07:18:00.000+03:00

London: சூரியனை போன்று இருமடங்கு பெரிய நியூட்ரான் (மின் இயக்கமற்ற) நட்சத்திரம் வான்வெளி கோளப்பாதையில் கண்டறியப்பட்டுள்ளது.

இதுகுறித்து இங்கிலாந்து நாட்டின் தேசிய கதிரியக்க வான்கோள்கள் கண்காணிப்பு துறையின் விஞ்ஞானி பால் டெமோரெஸ்ட் கூறியதாவது:

சூரியனை போன்று இருமடங்கு பெரிய நியூட்ரான் நட்சத்திரம் கண்டறியப்பட்டுள்ளது. இது ஆச்சரியமாக உள்ளது. உயர் அடர்த்தி மற்றும் அணு இயற்பியல் தொடர்பான எங்களுடைய பல்வேறு விதிகளுக்கு பல்வேறு அர்த்தங்களை இந்த நட்சத்திர கண்டுபிடிப்பு அளித்துள்ளது. அணுக் கருவை விட, நியூட்ரான் நட்சத்திரம் பல மடங்கு அடர்த்தியானது.

இந்த நட்சத்திரத் தின் மூலப்பொருள் மட்டும் 5000 டன்னுக்கும் அதிகமான எடை கொண்டதாக இருக்கும். இது விண்வெளிக் கோளத்தில் சுற்றி வரும்போது இதிலிருந்து வெளிப்படும் கதிர்வீச்சுக்கள் விண்வெளியில் படும். இந்த கண்டுபிடிப்பு நியூட்ரான் நட்சத்திரங்கள் தொடர்பான ஆராய்ச்சியாளர்களின் விண்வெளி ஆராய்ச்சிக்கு புதிய வடிவத்தை கொடுத்துள்ளது என்றார்.

Thanks:Dinakaran

கைத்தொலைபேசியிலிருந்து மற்றுமொரு கைத்தொலைபேசிக்கு எப்படி இலவசமாக பேசுவது ?

2010-10-22T15:24:00.002+03:00

இன்று எல்லோருடத்திலும் GPRS ,கமரா, 3G என பல பல வசதிகள் கொண்ட கைத்தொலைபேசிகள்தான் அதிகம் காணப்படுகின்றது. அதுபோல் ஒரு சிம் கார்ட் வாங்கினாலும் சரி ரீலோட் பண்ணினாலும் சரி 30MB மொபைல் இன்டர்நெட் இலவசம் அல்லது மாதம் ஒருமுறை 10MB இன்டர்நெட் இலவசம் என பல நாட்டு தொலைத்தொடர்பு கம்பனிகள் வழங்கிக்கொண்டுருக்கின்றார்கள் அதுமட்டுமல்லாமல் இடத்திற்க்கு இடம் Wi-fi யும் இலவசமாக கிடைக்கின்றன இவ் வசதியை பயன்படுத்தி நாம் எப்படி கைத்தொலைபேசியிலிருந்து மற்றுமொரு கைத்தொலைபேசிக்கு இலவசமாக அழைப்புகளை ஏற்படுத்துவது என்று பார்ப்போம்.

முதலில் இந்த http://www.nimbuzz.com/en இணயத்தளம் சென்று கணக்கொன்றை ஆரம்பித்து நிம்பஸ் மென்பொருளை உங்கள் கைத்தொலைபேசியில் நிறுவிக்கொள்ளுங்கள் (நிறுவ முன் கைத்தொலைபேசியின் மொடல் இலக்கத்தை சரியாக தெரிவு செய்துகொள்ளவும்) நிறுவும்போது மெமரி கார்டில் இடம் குறைவாக இருந்தால் கைத்தொலைபேசியின் Games பகுதியில் நிறுவலாம்.

பின்னர் திறந்ததும் உங்களுடைய பயணப்பெயர் மற்றும் கடவுச்சொல்லால் உள்நுழைந்து Google talk, Yahoo, Skpe, MSN/Windows live messenger மற்றும், Facebook ஊடாக உலகெங்கும் இலவசமாக பேசி மகிழலாம் இது போல அதனில் கொடுக்கபட்டுள்ள SIP ஆப்சன் ஊடாக voip முறை அழைப்புகளையும் ஏட்படுத்தமுடியும் மற்றும் இது போன்ற சேவையை fring ம் வழங்கிக்கொண்டிருக்கின்றது: http://www.fring.com/default.php

மத்தியகிழக்கு நாட்டு உறவுகளுக்காக !

2010-10-13T21:35:00.001+03:00

மத்தியகிழக்கு நாட்டில் பணிபுரிபவர்களுக்கு பல பல பிரச்சனைகள் உள்ளன அவற்றில் ஒன்று தொலைபேசி அழைப்புகளுக்கான அதி கூடிய கட்டணங்கள் உன்மையில் உழைப்புக்காக உறவுகளை பிரிந்து இங்கு வாழ்பவர்களுக்கு ஆறுதலளிப்பது தங்கள் சொந்தங்களுடன் உரையாடும் தொலைபேசி அழைப்புகள் மட்டும்தான் அதுவே பெரும் தொகையென்றால் எடுக்கிற சம்பளத்தில் சமாளிப்பது கொஞ்சம் கஸ்ரம்தான்.

இங்கு எல்லோருக்கும் கைகொடுப்பது VOIP முறை அழைப்புகள்தான் அவற்றில் இலங்கைக்கும் இந்தியாவுக்கும் குறைந்த கட்டணத்தில் பேசக்கூடிய VOIP வகைகளை இங்கே தருகின்றேன் நீங்களும் உங்களுக்கு தெரிந்த VOIP ன் விபரத்தை பின்னூட்டத்தில் இட்டால் எல்லோருக்கும் உதவியாக இருக்கும்.

இலங்கைக்கு குறைந்த கட்டணத்தில் அழைக்க Rynga மற்றும் VOIPZOOM நன்றாகவுள்ளது நிமிடதிட்க்கு 0.25 கத்தார் திரகம் மட்டும்தான் 3 மணித்தியாலங்களும் 33 நிமிடங்களும் பேசலாம் (ACTION VOIP இலக்கங்கள் பொருந்தும்)

· http://www.rynga.com/en/index.html

· http://www.voipzoom.com/en/index.html

இந்தியாவுக்கு குறைந்த கட்டணத்தில் அழைக்க JUMBLO சிறந்ததாக உள்ளது நிமிடதிட்க்கு 0.05 கத்தார் திரகம் மட்டும்தான் 1000 நிமிடங்களுக்கு மேலாக தாராளமாக பேசலாம் (ACTION VOIP இலக்கங்கள் பொருந்தும்)

http://www.jumblo.com/en/

துபாய், சவூதி, குவைத், ஓமான் மற்றும் பகரின் போன்ற நாடுகளுக்கும் அநேகமாக இதே தொகைதான் குறிப்பிட்ட சில நாடுகளுக்கு இலவசமாகக் கூட பேசலாம்.

இவற்றில் இலகுவான வசதிகள் என்னவென்றால் கிரடிட் கார்ட் தேவையில்லை உள்ளூர் சாதாரண முகவர்மூலம் பணத்தை செலுத்தி 10 யூரோவிக்கான வவுச்சர் இலக்கத்தை பெற்றுக்கொள்ளலாம் (55-70 க்கு உட்பட்ட கத்தார் றியால் ) ஆனால் இந்த Voip களுக்கு U.A.E ல் தடையுள்ளது இருந்தாலும் சிலர் பயன்படுதிகொண்டுதான் உள்ளனர். இங்கு கத்தாரில் வியாபார நோக்கமல்லாது தனிநபர் தேவைக்காக பயன்படுத்தினால் பிரச்சனையில்லை எனவே நாம் இப்படியான வியாபாரத்தில் ஈடுபடாது இருத்தல் நல்லது.

பாரிசூட்டிலிருந்து குதித்து விளையாடலாம்

2010-10-08T09:54:00.000+03:00

பாரிசூட்டிலிருந்து குதித்து விளையாடுவதென்றால் யாருக்குத்தான் விருப்பம் இல்லை உன்மையில் நிஜத்தில் எல்லோருக்கும் அந்த வாய்ப்பு கிடைப்பது மிக மிக அரிதுதான்

சரி நமது கணனித்திரையிலாவது விளையாடிப்பார்ப்போம்!

கீழே உள்ள இணயப்பக்கத்தை திறந்த்ததும் வரும் "START GAME" பொத்தானை கிளிக் பண்ணியதும் விமானம் பறக்கத் தொடங்கும் அடுத்து "JUMB" பொத்தானை கிளிக் பண்ணி உடனே "CHUTE"பொத்தானை கிளிக் பண்ணியதும் பாரிசூட் விரிந்து தரையிறங்கும் நமது சரியானா தரையிறக்கத்தைப் பொறுத்து ஸ்கோர் கணக்கிடப்படும் இதற்க்கு முன்னர் கணனியின் ஒலியின் அளவை சற்று கூட்டி வைக்கவும் இன்னும் ரசனையாக இருக்கும் விளையாடுவதட்க்கு இந்த விளையாட்டைசிறுவர்களுக்கும் மிகவும் பிடிக்கும்.

இதோ சுட்டி http://www.bassfiles.net/parachute.swf

பூமி முழுவதும் வெப்ப வேறுபாடு காணப்படுவதற்கான காரணங்கள் யாவை?

2010-10-03T17:57:00.000+03:00

பரிதியின் வெப்பநிலைச் சீராகச் சுற்றிலும் நிலைபெறப் பிரம்மாண்டமான ஒரு வாயுக் கோளம், எப்போதும் பூமிக்குக் குடைபிடித்து வருகிறது! வாயுக் குடையில் வாயுக்களின் கொள்ளளவுக் [Volume] கூடிக் குறையும் போது, பூமியில் படும் பரிதியின் உஷ்ணமும் ஏறி, இறங்குகிறது! அந்த வாயு மண்டலத்தில் இயற்கை ஊட்டியுள்ள வாயுக்களைத் தவிர, புதிதாகப் பூமியிலிருந்து கரியமில வாயு [Carbon Dioxide] போல் வேறு வாயுக்களும் சேர்ந்தால் வாயுக்களின் திணிவு [Density] மிகையாகிறது! வாயுக்களின் திணிவு அதிகமாகும் போது, பரிதியின் வெப்ப சேமிப்பும் மிகுந்து, அதன் உஷ்ணமும் கூடுகிறது. அந்தச் சீர்கேடுதான் “கிரீன்ஹௌஸ் விளைவு” அல்லது “கண்ணாடி மாளிகை விளைவு” [Greenhouse Effect] என்று குறிப்பிடப் படுகிறது. அந்த உஷ்ணப் பெருக்கால் கடல் நீரின் வெப்பம் அதிகரிக்கிறது! அந்த வெப்ப எழுச்சியால் துருவப் பகுதியில் உறைந்திருக்கும் பனிப்பாறைகள் உருகிக் கடல் மட்டம் உயர்ந்து, கடற்கரைப் பகுதிகள் உப்பு நீரில் மூழ்கி நிலவளம் பாழ்படும். அல்லது சி.எ·ப்.சி [Chloro Fluoro Carbons (CFC)] போன்ற பூமி வாயுக்கள் மேலே பரவிப் பாதுகாப்பாய் உள்ள ஓஸோன் பந்தலில் துளைகளைப் போட்டால், பரிதியின் தீய புறவூதாக் கதிர்கள் பூமியில் பாய்ந்து சேதம் விளைவிக்கின்றன.

3000 ஆண்டுகளாகக் கனடாவின் வடகோடி ஆர்க்டிக் பகுதியில் துருத்திக் கொண்டிருந்த ஒரு பூதகரமான பனிக்குன்று, கடந்த ஈராண்டுகளாகப் பூகோளச் சூடேற்றத்துக்குப் புதிய சான்றாக உடைந்து கடலில் சரிந்து கரைந்து விட்டது. ஆர்க்டிக் பகுதியின் மிகப் பெரும் பனியுடைப்பு எனக் கருதப்படும் அந்த புராதன பனி மதில் சிதைவுக்கு, நூறாண்டு காலமாகப் படிப்படியாய் ஏறிய வெப்ப மிகுதியும், 1960 ஆண்டு முதல் விரைவாக எழுந்த வெப்பப் பெருக்கமுமே முக்கிய காரணங்கள் என்று ஆய்வாளர் கூறுகிறார்!

நன்றி : Science Magazine

விமானத்தின் கறுப்புப்பெட்டி என்றால் என்ன ?

2010-09-29T23:17:00.001+03:00

What is this Black Box? விமானத்தின் கறுப்புப்பெட்டி என்றால் என்ன ? என்ற கேள்வி இந்தியாவில் மங்களூரில் நடந்த விமான விபத்துக்குப் பிறகு பலருக்கிடையே பரபரப்பாக பேசப்பட்டது . ஏனென்றால் 158 பேரின் உயிரைக் காவுகொண்ட அந்த சோகமான விபத்திற்க்கான சரியான காரணத்தை விமானத்தின் கறுப்புப்பெட்டி கிடைக்கப்பெற்றால் மாத்திரமே கூறமுடியும் என இந்திய விமானப்படை அதிகாரிகள் ஊடகங்களுக்கு அறிவித்திருந்ததை நாம் யாவரும் அறிந்ததே.

உயரமாக பறக்கும் விமானங்கள் விபத்துக்குள்ளாகும் போது . இதற்கான காரணத்தை கண்டறிய புலனாய்வாளர்களுக்கு கறுப்புப்பெட்டி என்னும் சாதனம் உதவுகிறது. இது எல்லா விமானங்களிலும் பொருத்தப்பட்டிருக்கும்.

கறுப்புப்பெட்டியின் தன்மைகள்:-

கறுப்புப்பெட்டி என்ற பெயர் கொண்டு இது அழைக்கப்பட்டிருந்தாலும், இதன் நிறம் உண்மையில் கறுப்பு கிடையாது. செம்மஞ்சள் (orange) வண்ணம் கொண்டது.சில பெட்டிகள் மஞ்சள் நிறத்திலும் இருக்கும்

* தீயினில்/உயர் வெப்பநிலை என்பவற்றால் எரிந்து சேதமுறாது.

* உவர் நீரில் ஊறினாலும் பாதிப்படையாது

* கடலுக்குள் மூழ்கினாலும் மூன்று மாதங்களுக்குப் பழுதடையாது.

* ஆகாயத்தில் இருந்து வீழ்ந்தாலும் உடையாது

* வெளிப்புற, உட்புற தாக்கத்தினாலும் சேதமடையாத பெட்டியும், தகவல் சேமிப்பு நாடாவும் உள்ளன.

பெரிய விமானங்கள் என்றால் இரண்டு கறுப்பு பெட்டிகள் இருக்கும். இதில் `காக்பிட் வாய்ஸ் ரிக்கார்டர்' என்னும் சாதனம் விமானியின் அறையில் நடக்கும் உரையாடலை பதிவு செய்கிறது. `டேட்டா ரிக்கார்டர்' என்னும் மற்றொரு சாதனம் விமானத்தில் உள்ள பல்வேறு கருவிகளின் இயக்கங்களை பதிவு செய்யும். இதன் அடிப்படையில்தான் விமான விபத்துக்கான காரணத்தை கறுப்புப்பெட்டியின் மூலம் அறிய முடிகிறது

விபத்திற்க்குள்ளான விமானத்திலிருந்து கண்டெடுக்கப்பட்ட போது .

திறந்தால் இப்படி இருக்கும்

இப்படித்தான் கறுப்புப்பெட்டி தொழிற்படும் முறை

மேலும் தகவலை ஆங்கிலத்தில் இங்கே சென்று அறியலாம்.

சூரியன் எமக்கு துணையிருப்பான்

2010-09-22T20:27:00.000+03:00

இவ்வுலகில் காணப்படும் அனைத்து ஆற்றல்களுக்கும் மூலமாக விளங்குவது சூரியன். ஆகவே இன்று அறிவியல் அறிஞர்களின் கவனம் முழுவதும் சூரிய ஆற்றலின்பால் ஈர்க்கப் பட்டுள்ளது.

கி.மு.212 இல் "ஆர்க்கிமிடிஸ்' நூற்றுக்கணக்கான ஆடிகளைப் பயன்படுத்தி சூரியனின் கதிர்கள் அனைத்தையும், கப்பலின் மீது குவியச் செய்து ரோமானிய கப்பல் படைக்குத் தீ வைத்தார். இவ்வாறு நடந்திருக்கக் கூடும் என்று நூறு ஆண்டுகளுக்குப் பின் தோன்றிய "ஜார்ஞூ பாஃபன்' கூறினார்.

1695 இல் இத்தாலியரான "டார்ஜியானி அவரோனி' வைரமொன்றின் மீது சூரியக் கதிர்களை விழச் செய்து அதைப் பரிசோதனைக்கு உட்படுத்தி பிரித்தெடுத்து அழித்து கரியாக மாற்றினார்.

1794 இல் "ஜோசப் பிரெட்லீ' பாதரச ஆக்சைடு மீது சூரியக் கதிர்களைப் பாய்ச்சி அதிக வெப்பத்திற்குள்ளாக்கி அதனின்றும் ஆக்ஸிஜன் வாயுவைப் பிரித்தெடுத்தார்.

ஒரு நாட்டின் தொழில் வளர்ச்சிக்கு இன்றியமையாதது சக்தி /ஆற்றல். இதை நிலக்கரி, எண்ணெய், எரிவாயு முதலிய எரிபொருட்களிலிருந்து பெறுகின்றோம். இந்த சக்தியானது எந்திர சக்தி, வெப்ப சக்தி, ரசாயன சக்தி, ஒளி, ஒலி மற்றும் மின்சக்தி, அணுசக்தி போன்ற பல வகைகளில் நமக்குக் கிடைக்கிறது.அதிகரித்து வருகின்ற மக்கள் தொகையின் காரணமாக சக்தியின் தேவை பன்மடங்காக உயர்கிறது. ஆகவே நாம் வழக்கமாகப் பயன்படுத்தும் எரிபொருட்கள் விரைவில் தீர்ந்துவிடும் என அறிஞர்கள் கூறுகின்றனர்.இந்த நெருக்கடி ஒருபுறம் இருக்க, இவ்வகை எரிபொருளை பயன் படுத்துவதால் சூழ்நிலை சீர்கேடுற்று வாயுமண்டலத்திலும் நச்சுத் துகள்கள் பரவுகின்றன. அணுசக்தியைப் பயன் படுத்தி அளப்பரிய சக்தியைப் பெறலாம்; ஆனால் அதற்கு யுரேனியத்தை பூமியிலிருந்து தோண்டியெடுக்க வேண்டியுள்ளது. இதுவும் பற்றாக்குறையாகி விடலாம். மேலும் இதை உபயோகிக்கும் போது ஏற்படும் கதிரியக்கத்தாலும் பேரபாயம் விளையும்... எனவே இந்த எரிபொருட்களுக்கு பதிலாக வேறு எரிபொருட்களைக் கண்டுபிடிப்பதில் விஞ்ஞானிகளும் தொழில்நுட்ப வல்லுநர்களும் கவனம் செலுத்தி வருகின்றனர். இதன் விளைவாக, சூரிய சக்தியின் முக்கியத்துவத்தைப் பற்றி நாம் அறியமுடிகிறது.

சூரிய ஆற்றலின் சிறப்பு:
மற்ற எல்லா எரிபொருட்களில் இருந்து கிடைக்கும் சக்தியை விடக் கூடுதலாக 20,000 மடங்கு சக்தியை சூரியன் தினமும் பூமியின் மீது பொழிகிறது. ஒரு ஏக்கர் நிலத்திற்கு 4,000 குதிரைத்திறன் வேகமுள்ள சக்தி கிடைக்கிறது.சூரியன் ஒரு நட்சத்திரம். பூமியின் எடையை விட அதன் எடை 3,30,000 மடங்கு அதிகம். பூமியிலிருந்து 9,30,00,000 மைல்களுக்கு அப்பாலிருந்து சூரிய ஒளி பூமியை வந்து அடைகிறது. இது மின்காந்தக் கதிர்வீச்சாக அமைகின்றது. சூரியனின் மையத்தின் வெப்பநிலை & 3 கோடி டிகிரி பாரன்ஹீட். அதன் ஒளிவட்டத்தின் வெப்பம் 20 லட்சம் டிகிரி பாரன்ஹீட்; மேற்பரப்பு 10,000 டிகிரி பாரன்ஹீட்.நேரடியாக சூரியக் கதிர் விழும் ஒரு சதுர கெஜ பரப்பில் 2 குதிரைத் திறன் வேகமுள்ள கதிர்வீச்சு இருக்கும். பூமியை நோக்கி வரும் சூரிய சக்தியில் 30 சதவிகிதம் வாயு மண்டலத்தில் பட்டு உடனே பிரதிபலித்து திரும்பி விடுகிறது. 47 சதவிகிதம் வாயு மண்டலத்தினாலும் தரையினாலும் உறிஞ்சப்படுகிறது. சுமார் 33 சதவிகிதம் காற்றில் சலனத்தை உண்டு பண்ணுகிறது. இதைவிடக் குறைவான அளவு 4,000 கோடி கிலோவாட் சக்தியானது தாவரங்களின் ஒளிச் சேர்க்கைக்குப் பயன்படுகிறது. இந்த ஒளி எரிபொருட்கள் உற்பத்திக்குத் துணைசெய்கிறது. இந்த சூரிய சக்தியானது நமக்கு எல்லா இடத்திலும் இலவசமாகக் கிடைப்பதால் எரிபொருளை ஓரிடத்தில் இருந்து மற்றோரிடத்திற்கு எடுத்துச் செல்ல வேண்டிய அவசியமில்லை.சூரிய சக்தியைப் பயன்படுத்துதல்:

சூரிய சக்தியைத் திறம்பட பயன்படுத்துவதிலும் பல சிக்கல்கள் உள்ளன. சூரிய ஒளி பூமியின் மீது தொடர்ந்து விழுந்து கொண்டு இருந்த போதிலும், பூமியின் மீது ஒரே சீராக விழுவதில்லை. பூமியின் சுழற்சியும், மேகத் திரைகள் சூரிய ஒளியை மறைப்பதும் முக்கியக் காரணங்கள்! ஒரு சில விஞ்ஞானிகள் சூரிய சக்தியை பயன்படுத்த முயற்சி எடுத்து வரும் போது, பெரும்பாலோர் அக்கறை காட்டுவதில்லை. மரபுசார் எரிபொருட்களை உபயோகித்து எளிதாகக் கிடைக்கக் கூடிய மின்சக்தியை பயன்படுத்துவதிலேயே கவனம் செலுத்தி வருகின்றனர். இன்று சூரிய சக்தியைப் பயன்படுத்திக் கொள்ளுவதற்கு ஆகும் செலவும் அதிகமாகவே உள்ளது.

கடற்படையினருக்கு, குடிநீர் அகப்படாத போது, மீட்புப் படகில் கடல் நீரை காய்ச்சி வடிக்கும் கருவியொன்றை டாக்டர் மேரியா டெலக்ஸ் கண்டுபிடித்தார். சூரிய ஒளியையும், கதிர்வீச்சையும் நேரடியாகப் பயன்படுத்தி, எந்திர சக்தியாகவும், மின்சக்தியாகவும் மாற்றலாம் என்பதைக் கண்டுபிடித்தனர். ரஷ்யாவில் வறண்ட பிரதேசங்களின் பாசன வசதிக்கு நீர் கொண்டுவர பம்புகளை இயக்குவதற்கு சூரிய சக்தியைப் பயன்படுத்தி வெற்றியடைந்து இருக்கிறார்கள்.

சகாரா பாலைவனத்திற்கு தென் பகுதியிலுள்ள பெரும் நிலப்பரப்பில் சுட்டெரிக்கும் சூரிய கிரகணங்களைப் பயன்படுத்தி பம்புகளை இயக்கி விரைவில் பாசன வசதி பெற முடியும் என்று கருதுகிறார்கள். ஆப்பிரிக்காவில் நேரடியாக எந்திர சக்தியாக சூரிய சக்தியை மாற்றி கிணறுகளிலிருந்து நீர் இறைத்து வருகின்றார்கள்.

சூரிய அடுப்பு:

இந்தியாவில் சூரிய சக்தியால் எளிய முறையில் இயங்கும் குக்கரை 1945 ஆம் ஆண்டே "எம்.கே. கோஷ்' அமைத்தார். எம்.எல். கன்னா என்பவர் நீரைக் காய்ச்சி வடிக்கும் வாலையைக் கண்டறிந்தார். சூரிய சக்தியால் இயங்கும் பலவகையான சூரிய அடுப்புகளை விஞ்ஞானிகள் கண்டுபிடித்துள்ளனர். சூரிய ஒளிமூலம் கிடைக்கும் சக்தியில் 35 சதவிகிதம் நீர் கொதிப்பதற்கும், 20 சதவிகிதம் சமையல் பண்டங்களை வேக வைப்பதற்கும், 45 சதவிகிதம் வெப்பச் சலனத்தைக் கட்டுப் படுத்துவதற்கும் தேவைப்படுகிறது. ஒருவகை சூரிய அடுப்பில் பரவளைய ஆடியும், கெட்டிலும் பயன்படுகிறது. கெட்டிலின் அடிப்பகுதியில் சூரிய வெப்பத்தை ஆடியானது குவியச் செய்கிறது. இதனால் உருவாகிற வெப்பத்தைக் கொண்டு ஒரு லிட்டர் தண்ணீரை 15 நிமிடங்களில் கொதிக்க வைக்கலாம்.

புதிய தொழில்நுட்பத்தில் இவ்வகையான சூரிய அடுப்பு உற்பத்தி செய்யப்பட்டது. இந்த அடுப்பானது அலுமினியமும், இரும்புச் சட்டமும் கலந்த கலவையாகும். ராக் பெல்லர் நிறுவன உதவித்தொகை கொண்டு பிளாஸ்டிக் சூரிய அடுப்பை விஸ்கோஸ் பல்கலைக்கழகம் உருவாக்கியுள்ளது. இதன் மூலம் 400 வாட் சக்தியைப் பெறலாம். இதனைப் பயன்படுத்தி நீரில் வேகவைத்தல், ஆவியில் வேக வைத்தல், வறுத்தல் ஆகிய சமையல் முறைகளைக் கையாளலாம்.

வீடுகளுக்கு கதகதப்பு:

ஐரோப்பிய நாடுகளில் குளிர் காலங்களில் வீடுகளுக்கு கதகதப்பைத் தர சூரிய ஆற்றலை பயன் படுத்துகின்றனர். இவ்வகை வீடுகளை அமைக்கும் முறை:

வீட்டின் கூரையை சமதளமாக்கி, இதன் மேல் மட்டத்தில் சிறிதளவு நீர் நிரம்பக் கூடிய தொட்டியை அமைக்கவும். சூரிய வெப்பம் வெளியேறாதபடி தொட்டிக்கு காப்பிடவும். குளிர்காலத்தில் பகலில் இம்மூடி நகர்த்தப்படுகிறது. எனவே சூரிய வெப்பம் கிடைக்கிறது. தொட்டியிலுள்ள நீர் சூடாகிறது. இந்த நீரானது குழாய் ஒன்றின் வழியே செல்கிறது. இதனோடு இணைந்தவாறு காற்று சுற்றோட்டக் குழாய் உள்ளது. ஆகவே நீரிலுள்ள வெப்பத்தினால் காற்றில் சூடேறுகிறது. இவ்வெப்பக் காற்று வீட்டில் பரவுவதற்கு காற்றுச் செலுத்தி உண்டு. மேலும் சூரிய வெப்பமானது, கூழாங்கற்களாலான அடுக்கு விரிப்புகளிலோ, கிளாபர்ஸ் உப்பு எனப்படும் ரசாயனப் பொருட்களிலோ சேமிக்கப்படுகிறது.

வீடுகளுக்கு குளிர்சாதனம்:

வெப்ப நாட்களில் வீடுகளுக்கு குளிர்சாதன வசதியைப் பெறுவதற்கும் சூரிய சக்தியைப் பயன்படுத்தி வருகிறார்கள். வீடுகளில் கதகதப்பு உண்டாக வீடுகளில் கூரைகளில் அமைக்கின்ற அதே நீர்த் தொட்டியை வீட்டில் குளிர்சாதன வசதி பெறவும் பயன்படுத்தலாம். கோடைக் காலத்தில் இரவு நேரங்களில் நீர்த் தொட்டியைத் திறந்து வைப்பதால் நீர் குளிர்ந்து வெப்பம் வெளியேறி வீட்டினுள் வெப்பம் குறைகிறது. பகலில் தொட்டியை மூடிவிட வேண்டும்.

சூரிய சக்தியால் இயங்கும் குளிர்சாதன வசதியைக் கொண்டு பழங்கள், காய்கறிகள் போன்ற உணவுப் பொருட்கள் விரைவில் புளித்தும், அழுகியும் போகாமல் பாதுகாக்கலாம். சாதாரண வீடுகளில் குளிர்சாதன வசதிக்காக அமோனியா திரவம் பயன்படுத்தப்படுகிறது. வெப்பச் சக்தியால் இயங்கும் எஞ்சினில் குளிர்சாதனத்தை இயக்க சூரிய சக்தியைப் பயன்படுத்தலாம். 1968 இல் அர்ஜென்டினாவில் "ஹெரால்டுஹே' என்பவர் குளிர்சாதன வசதியுள்ள மாதிரி வீட்டைக் கட்டினார். இம்முறையால் காற்றின் ஈரப் பதத்தை உறிஞ்சலாம்.

நீர் சூடாக்கி:
சூரிய வெப்பத்தை நேரடியாகப் பயன்படுத்தி நீரைச் சூடாக்கலாம். பல நாடுகளிலும் இம்முறையானது கையாளப்படுகிறது. ஜப்பான், இஸ்ரேல் போன்ற நாடுகளில் இது பெருமளவு தயாரிக்கப்பட்டது. வீடுகளில் குளிப்பதற்கும், பாத்திரங்களை கழுவி சுத்தம் செய்வதற்கும் 135 டிகிரி பாரன்ஹீட் போதுமானது. காப்பிடப்பட்ட தொட்டிலில் நீரைச் சேமிக்கலாம்.

நீர் சூடாக்கிகளில் பல வகை உண்டு. எல்லாவற்றிலும் கறுப்பு நிறமுள்ள பெரும்பரப்பில் சூரிய வெப்பம் தாக்கி, நீர் சூடாகிறது. பெரும்பாலும் நீர் சூடாக்கி கறுப்பு சாயம் பூசிய தொட்டியாக இருக்கும். நீர் சூடாக்கியிலிருந்து வெப்பம் வெளியேறாதபடி மூடி உண்டு. இந்த மூடியின் மூலம் சூரியக் கதிர்கள் உள்ளே செல்ல முடியும் ஆனால் எளிதில் வெளியே வர முடியாது.

சூரிய உலைகள்:

இரண்டாம் உலக யுத்தத்திற்குப் பின் அமைக்கப்பெற்ற சூரிய உலை தனிச்சிறப்பு வாய்ந்தது. இதிலிருந்து 75 கிலோவாட் சக்தி கிடைத்தது. சீனா களிமண் மற்றும் மண்பாண்டங் களுக்குப் பயன்படும் கலவைகளை உயர்ந்த வெப்பநிலைக்கு உள்ளாக்கி உருகச் செய்து அவற்றின் தனித் தன்மைகளைப் பற்றி ஆராய்வதற்கு சூரிய உலைகள் உதவுகின்றன. மிக உயர்ந்த வெப்பநிலைகளில் உருகக் கூடிய உலோகங்களை உருக்கவும், இவற்றைக் காய்ச்சிப் பிணைக்கவும், தொழில்துறை ஆராய்ச்சிக்கும் சூரிய உலைகள் பயன் படுகின்றன. சூரிய உலையிலிட்டு, உருக்குப் பாளத்தைக் கூட எளிதில் உருக்கி விடலாம்.

சூரிய மின்கலங்களைப் பயன்படுத்துவதில் கடற்படையினர் கவனம் செலுத்தி வந்தனர். கடலில் மீட்பு மிதவைகளுக்கு சூரிய மின் கலங்களின் மூலம் விசை சப்ளை கிடைத்தது. விமானப் படையினர் சூரிய சக்தியால் இயங்கும் ரேடியோக்களைத் தயாரித்தனர். யுத்த காலத்தில் விமானப் படையினரை மீட்க இது பெரிதும் உதவியது. தரைப்படையினரின் தலைக்கவசங்களில் சூரிய சக்தியால் இயங்கும் வாக்கி & டாக்கி பொருத்தப்பட்டது.

கலிபோர்னியா வளைகுடாவின் அடித்தரை மட்டத்தில் ஏற்படும் நில நடுக்கத்தைப் பதிவு செய்வதற்காக கடற்கரை நெடுகிலும் (பூமியதிர்வைப் பதிவு செய்யும்) கருவிகள் உள்ளன. இந்தக் கருவிகள் சூரிய சக்தியால் இயங்குபவையே!

பெல் டெலிபோன் ஆய்வுக் கூடங்களில் ஒளி வோல்டா கலங்களின் மூலம் சூரிய சக்தியை மின் சக்தியாக மாற்றும் ஆராய்ச்சி வெற்றியடைந்தது. சூரிய சக்தியால் இயங்கும் டெலிபோன் கண்டுபிடிக்கப்பட்டது. மேலும் சூரிய சக்தியால் இயங்கும் ரேடியோக்களும் உருவாக்கப் பட்டன. சூரிய வெப்பத்தினால் உற்பத்தி செய்யப்படும் மின்னாற்றலின் மூலம் இயங்கக் கூடிய "பம்பு செட்" அமைக்கப் பட்டது.

பெங்களூர் "பெல்" நிறுவனம், வீடுகளுக்கும், சிறிய கிராமங்களுக்கும், மருத்துவ மனைகளுக்கும் பயன்படும் வகையில் சூரிய வெப்பத்தால் இயங்கும் மின் உற்பத்தி சாதனங்களையும், மின் சேகரிப்பு பேட்டரிகளையும் கண்டு பிடித்துத் தந்தது.

விண்வெளி ஆராய்ச்சியில் சூரிய ஆற்றலின் பங்கு:

முதல் முதலில் சோவியத் யூனியன் ஸ்புட்னிக் எனும் செயற்கைக் கோளை விண்ணில் செலுத்திய போது, அவை செயல்பட விசை தேவைப்பட்டது. அதற்கான சக்தியை சூரிய ஒளியிலிருந்து சூரிய மின்கலம் மூலம் பெற ஏற்பாடு செய்தனர். 1958 இல் வான்கார்டு செயற்கைக்கோள் விண்வெளியில் செலுத்தப்பட்டது. சூரிய சக்தியால் இயங்கும் டிரான்ஸ்மிட்டர் இயங்கியது.

மிடாஸ், சமோஸ் போன்ற அமெரிக்க உளவு செயற்கைக் கோள்களில், அணுகுண்டு பரிசோதனை பற்றியும், பறக்கும் குண்டுகள் பற்றியும், அணுசக்தியால் இயங்கும் ஆயுதங்களைப் பற்றியும் அவ்வப்போது தகவல் அனுப்ப சூரிய மின்கலங்கள் அவசியமாயின.

சந்திரனில் மனிதன் இறங்குவதற்கு முன் விண்வெளியில் வெகு உயரத்திற்கு பயோனிர் & 5 செலுத்தப்பட்டது. இதன் இரு புறங்களிலும் சூரிய மின்கலங்கள் பொருத்தப்பட்டன. 1960 இல் அனுப்பப்பட்ட "டெல்ஸ்டார்' எனும் செயற்கைக் கோள் முழுவதும் சூரிய சக்தியால் இயங்கியது.

எனவே எதிர் காலத்தில் எல்லாச் சக்திக்கும் மிஞ்சப்போவது இந்த சூரிய சக்தி தான் என்பது திடமான உண்மை.

நன்றி : Science magazine

விமானியின் அறையை விநோதமாக பார்க்கலாம் வாங்க !

2010-09-20T20:08:00.002+03:00

நாமெல்லாம் பல தடவை விமானத்தில் பயணித்திருப்போம் ஆனால் பயணிகள் இருக்கை மற்றும் மலசலகூடம் இதை விட்டால் வேறு ஒரு இடமும் நகர முடியாது.

எப்படியாவது கொஞ்சம் விமானியின் அறையை பார்க்கலாம் என்று ஆசைப்பட்டால் அது நடக்காது அந்தளவுக்கு கடத்தல் மற்றும் வெடிகுண்டு புரளி என உலகையே பயத்தில் ஆழ்திக்கொண்டிருக்கும் இன்றைய சூழ்நிலை இது.

இருந்தாலும் விமானியின் அறையை பலதிரைப்படங்களில் பார்த்திருப்போம் ரசித்திருப்போம், ஆனால் இப்படி தெளிவாக பார்த்திருக்கமாட்டோம் இதுவரைக்கும் விமானத்தில் பயணிக்காதவருக்கும் மற்றும் பயணித்தவருக்கும் கண்ணுக்கு விருந்தாய் அமைகிறது இந்த வினோதமான இணையத்தளம் .

இங்கே சொடுக்கி சுற்றி சுற்றி பெரிதாக்கி ஓட விட்டு பார்த்து மகிழவும்.

அசைபடங்களை DVD யாக மாற்றும் மென்பொருள்

2010-09-14T15:23:00.000+03:00

அசைபடங்கள் என்றால் யாருக்குத்தான் பிடிக்காது இன்று நாம் பல  இணையத்தளங்களை திறந்தால் போதும் முதலில் எங்களது கவனத்தை ஈர்ப்பது அசைபடங்கள்தான்.

அதுபோல் நாம் கஸ்ரப்பட்டு  உருவாக்கிய அல்லது நண்பர்களிடமிருந்து கிடைக்கப் பெற்ற பல அசைபடங்களை சேர்த்து வைத்துருப்போம் இவற்றையெல்லாம்  நமக்கு வேண்டியபடி வரிசையாக அடுக்கி டிவிடி திரைப்படமாக மாற்றவும், பின்புல இசை சேர்க்கவும், டிவிடி மெனுக்கள் உருவாக்கவும், சப்டைட்டில் எனப்படும் வசன‌க் குறிப்புக்களைச் சேர்க்கவும் உதவுகிறது AVS to DVD என்ற மென்பொருள்.

மிக சுலபமாக நாங்களே DVD தட்டுக்களை உருவாக்கி எங்களது உறவுகள் எல்லோரையும் கண்டுகளிக்க வைக்கலாம் .

முற்றிலும் இலவசமாகக் கிடைக்கும் இந்த மென்பொருளை  இங்கிருந்து தரவிறக்கிப் பயன்படுத்துங்கள்.

நன்றி

உலகத்திலேயே மிகப் பெரிய புகைப்படம்

2010-09-12T23:24:00.000+03:00

நாம் புகைப்படக் கருவி கொண்டு ஒரு படம் எடுப்பதிலேயே பல குறைபாடுகளைக் காண்கின்றோம் . இங்கு ஒருவர் உலகத்திலேயே மிகப் பெரிய புகைப்படம் ஒன்றைத் தயாரித்திருக்கின்றார்.

அதன் அளவு 800 மில்லியன் பிக்செல் ஆகும் (762 MP). புகைப்படம் எடுக்க வேண்டிய இடத்தை 300 பகுதிகளாகப் பிரித்து மொத்தம் 1200 புகைப்படங்களைக் கோர்த்து இந்தப் படத்தைத் தயாரித்திருக்கின்றார் இவர். அனைத்துப் படங்களும் Nikon D3 புகைப்படக் கருவி, 50 mm ஆடி f5.6 எண் வைத்து எடுக்கப்பட்ட படங்கள் ஆகும்.

ஒவ்வொரு படத்தின் exposureம் அதாவது படம் எடுக்க ஆரம்பித்ததில் இருந்து படம் எடுத்து முடிக்கும் வரை கண்சிமிட்டாமல் ஆடி திறந்திருக்கும் நேரம் 6 நிமிடங்கள் ஆகும்!

இவரால் எடுக்கப்பட்ட படங்கள் அனைத்தும் நமது கண்ணுக்குத் தெரியும் மொத்த வானம்! வானத்தைப் பல பகுதிகளாகப் பிரித்துப் படம் எடுத்துப் பின் கோர்ப்பது என்பது ஒரு மிகப் பெரிய பணி.

2008 முதல் 2009 வரை என கிட்டத்தட்ட இரண்டு ஆண்டுகளாய் இப்படங்கள் எடுக்கப்பட்டிருக்கின்றன.

ஆறு நிமிடத் திறப்பு என்றால் புவியின் சுழற்சி காரணமாக வானில் இருக்கும் நட்சத்திரங்களும் நகர்வதால் ஒரு பெரிய கோடு தான் காணக் கிடைக்கும். ஆனால் அவ்வாறு இருக்கக் கூடாது என்பதற்காகவே, புவி சுழலும் வேகத்துக்குத் தகுந்தவாறு தனது புகைப்படக் கருவியும் சுழல்வதற்குகென்று ஒரு கருவியை (small equatorial mount) புவியின் சுழல்திசைக்கு எதிர்திசையில் சுழலுமாறு நிறுவி எப்போதும் ஒரே இடத்தையே 6 நிமிடமும் கண் சிமிட்டாமல் பார்த்துப் படம் பிடிக்குமாறு உருவாக்கியிருக்கின்றார்.

இதற்காக அவர் தேர்ந்தெடுத்த இடங்கள் மூன்று.
ஏனெனில் இங்கே தான் வருடத்தின் 11 மாதங்களுக்கு ஒளி மாசுபாடு (light pollution) இல்லாத இருண்ட வானம் காணக் கிடைக்கின்றது. இங்கே தான் European Southern Observatory நிறுவியுள்ள மிகப் பெரிய தொலைநோக்கிகளும் இருக்கின்றன. Atacama பாலையிலுள்ள Chile, La Silla மற்றும் Cerro Paranal ஆகிய மூன்று இடங்களிலிருந்து இப்படங்கள் எடுக்கப்பட்டுள்ளன.

சூரியன் மற்றும் சந்திரன் இல்லாத போது தான் மிக இருண்ட வானம் கண்ணுக்குக் கிடைக்கும். எனவே அப்படியான நாட்களை/நேரங்களைத் தேர்ந்தெடுத்துத் தான் படம் எடுக்க வேண்டும். மேக மூட்டமும் இருக்கக் கூடாது. வானில் தெரியும் நட்சத்திரங்களிடையே இருக்கும் தூரத்தை அடிப்படையாகக் கொண்டு முந்தைய நாள் எடுத்த இடத்தையும் நினைவு கொண்டு அடுத்த படம் எடுத்திருக்கின்றார் என்பது ஆச்சரியப்படத் தக்க விஷயமாகும்.

முதன் முதலில் எடுத்த படம் Canopus என்னும் நட்சத்திரம் ஆகும். ஒவ்வொரு பாகத்தையும் 4 படங்கள் எடுத்து அதில் சிறந்ததைக் கொண்டு தொகுத்திருக்கின்றார்.

மொத்தம் 120 மணி நேரங்கள் தான் புகைப்படக் கருவியின் அருகே இருந்து விழித்திருக்கின்றார் என்றாலும், அதற்கான ஆயத்தங்கள் தான் எத்தனை? முழுக்க முழுக்க இரவிலேயே இந்தப் பணி நிகழ்ந்திருக்கின்றது.

இது இரவில் என்றால் பகலில் இத்தனை படங்களையும் தொகுக்கும் பணியில் இவரது நண்பர் ஈடுபட்டிருந்திருக்கின்றார். மொத்தம் 15000 மில்லியன் பிக்செல் கொண்ட படங்களில் இருந்து இந்த ஒரே ஒரு 800 மில்லியன் பிக்செல் படம் உருவாக்கப்பட்டிருக்கின்றது. 40000 x 20000 பிக்செல் அளவு கொண்ட இப்படத்தின் அளவு 4.42 GB ஆகும்!

இது வரை அகண்ட வானை புவியிலிருக்கும் தொலைநோக்கி கொண்டு இத்தனை துல்லியமாக, இத்தனை பெரியதாக யாரும் படம் எடுத்ததில்லை என்பதோடு இன்றைய தொழில்நுட்பம் அனைத்தையும் பயன்படுத்தி நேர்த்தியாக உருவாக்கியிருக்கின்றார்கள் என்பதில் ஐயமில்லை.

முதல் படம் பால்வெளி வீதியை மையமாகக் கொண்டு மொத்த வானையும் எடுக்கப்பட்ட 360 டிகிரி நீள்படம் ஆகும். இந்தப் படத்தின் மூலம் நமது உடுமண்டலம் சுருள் உடுமண்டலம் என்பதும், மையத்தில் உப்பி இருப்பதும் எளிதாக உணர முடிகின்றது. நமது பால்வெளி வீதியில் 150000 மில்லியன் நட்சத்திரங்கள் (!) இருந்தாலும் நாம் இருக்கும் பகுதியிலிருந்து இந்தப் படம் மூலம் நமக்குத் தெரிவது என்னவோ 0.0001% மட்டுமே!

இந்தப் படம் எடுத்தவரின் கண்ணோட்டத்தில், அவர் வியப்பது இந்தப் படத்தில் தெரியும் புள்ளிகளாகக் காணப்படும் நட்சத்திரங்கள் அல்லவாம்! கண்ணுக்குத் தெரியாமல் இந்நட்சத்திரங்களைச் சுற்றி வரும் கோள்கள் எத்தனை இருக்கும்?! என்று தான் வியக்கின்றார் இவர். குத்துமதிப்பாகக் கணக்குப் பார்த்தாலும் நமது பால்வெளி வீதியிலேயே 1000 பில்லியன் உலகங்கள் இருக்க வேண்டும் என்பது தான் இந்தப் படத்தின் தீம் எனப்படும் தலைப்பு. அதாவது "One thousand billions worlds"

இதோ இவர்தான் புகைப்படம் எடுத்த Serge Brunier என்பவர் (படத்தின் மீது அழுத்தி பெரிதாக்கிப் பார்க்கவும்)

இவர் புகைப்படங்களைத் தொகுக்க உதவியவர் Frédéric Tapissier

புகைப்படங்கள் எடுக்கப்படுகின்றன.

காட்சிக்கு வைக்கப்பட்டிருக்கும் புகைப்படம்

மேலும் இந்த புகைப்படங்களையும் video வையும் இங்கு சென்று பொறுமையோடு பாருங்கள் படத்தின் ஒவ்வொரு அசைவும் மிக தெளிவாகத் தெரியும் .

வாழ்வியல் விஞ்ஞான விளக்கங்கள் சில...

2010-09-11T09:47:00.000+03:00

கேஸ் (gas) திறந்து பற்ற வைத்த உடனே அடுப்பு நமது உபயோகத்துக்கு தயாராகிவிடுகிறது. வெளியே வரும் கேஸ் மட்டும் ஏன் எரிகிறது?சிலிண்டரின் உள்ளே இருக்கும் கேஸ் ஏன் பற்றிக் கொள்வதில்லை?

நாம் சமையலுக்கு உபயோகிக்கும் கேஸ் என்-பியூட்டேன் (N-BUTANE) என்ற எரிபொருள். எந்த ஒரு எரிபொருளாக இருந்தாலும், அது எரிய வேண்டுமானால் இரண்டு விஷயங்கள் முக்கியமானவை.

ஒன்று அந்த எரிபொருள் தான் பற்றிக்கொள்ளும் வெப்பநிலையை (Ignition point) அடைய வேண்டும்.இரண்டு எரிவதற்குத் தேவையான பிராண வாயு, ஆக்சிஜன் போதுமான அளவில் கிடைக்க வேண்டும்.

நமது கேஸ் அடுப்பில் என்ன நிகழ்கிறது? சமையல் வாயு பற்றிக்கொள்ளும் வெப்பநிலை 360 oC ஆகும்.சிலிண்டர் வால்வைத் திறந்ததும் கேஸ் வெளியேறி அடுப்பின் பர்னர் பகுதியை வந்தடைகிறது. அப்போது ஒரு தீக்குச்சியால் அல்லது லைட்டரால் பற்ற வைக்கும்போது சமையல் வாயு 360 oC வெப்பத்தை அடைந்து பற்றிக் கொள்கிறது அடுப்பைச் சுற்றிலும் தேவையான அளவு ஆக்சிஜன் இருப்பதால் தொடர்ந்து எரிகிறது.

சிலிண்டரின் உள்ளே உள்ள கேஸ் பற்றிக் கொள்ள வெப்பமும் , ஆக்சிஜனும் சிலிண்டரின் உள்ளே செல்ல வேண்டும். பர்னர் பகுதியிலிருந்து வெப்பம் ரப்பர் டியூப்களைத் தாண்டி சிலிண்டரின் வாய் பகுதியை அடைந்து உள்ளே பரவ வேண்டும். இது முற்றிலும் சாத்தியமில்லை.சிலிண்டரின் உள்ளே உள்ள கேஸ் மிக மிக உயர்ந்த அழுத்தத்துடன் உள்ளே அடைக்கப்பட்டுள்ளது. எனவே சிலிண்டரின் உள்ளே இருக்கும் அழுத்தம் வெளியிலுள்ள சுற்றுப்புற அழுத்தத்தை (Athmospheric Pressure) பல மடங்கு அதிகம். எனவே வெளியிலிருந்து அழுத்தம் குறைந்த ஆக்சிஜன் அழுத்தம் அதிகம் உள்ள சிலிண்டரின் உள்ளே நுழைவது சாத்தியமில்லை.

இந்த இரு காரணங்களால் சிலிண்டரின் உள்ளே இருக்கும் எரிபொருள் பற்றிக்கொள்ளும் வாய்ப்பே இல்லை.

பாலைக் காய்ச்சும்போது அது ஏன் பொங்கி வருகிறது?

பால் என்பது தண்ணீர், புரதம் , மாவுச்சத்து, கொழுப்பு மற்றும் பல தாதுப் பொருட்கள் அடங்கிய கலவை. பாலில் உள்ள கொழுப்பின் அடர்த்தி (DENSITY) தண்ணீரின் அடர்த்தியைவிட குறைவாக இருப்பதால் பாலின் மேற்ப்பரப்பில் அவை மிதக்கின்றன. தண்ணீரின் கொதிநிலை வெப்பம் 100 oC. ஆனால், பாலில் உள்ள கொழுப்பு 50 ocல் உருக ஆரம்பித்துவிடும். பாலை காய்ச்சும்போது 50 oC நிலை வரும்போதே பாலில் உள்ள கொழுப்பு உருகி, மேற்ப்பரப்பில் வந்து ஒரு மெல்லிய படலமாகப் படர்ந்து நிற்கிறது. எந்த ஒரு திரவத்தைக் கொதிக்க வைத்தாலும் அந்தத் திரவத்திலிருந்து காற்றுக் குமிழ்கள் தோன்றி மேலே கிளம்பி வரும். பால் சூடாகும் போதும் காற்றுக் குமிழ்கள் உருவாகி மேலே வரும். மேற்ப்பரப்பில் கொழுப்புப் படலம் ஏடாகப் படிந்து இந்தக் குமிழ்கள் வெளியேறுவதை தடை செய்வதால், சிறு சிறு குமிழ்கள் ஒன்றாக இணைந்து பெரிய காற்றுக் குமிழ்களாக மாறி அந்த ஏட்டுப் படலத்தோடு மேலெழும்பி பொங்கி வழிகிறது.

தொடர்ந்து துலாவிக்கொண்டே இருந்தால் பால் பொங்கி வழிவதில்லை ஏன்?

பாலை ஒரு கரண்டியால் தொடர்ந்து துலாவிக் கொண்டேயிருந்தால்
மேற்ப்பரப்பில் ஏடு படிவது தடுக்கப் படுகிறது. தோன்றும் காற்றுக்
குமிழ்கள் வெளியேறிவிடும் எனவே பால் பொங்கி வழிவது தடுக்கப்படுகிறது.

தண்ணீரைக் காய்ச்சினால் ஏன் பொங்குவதில்லை?

தண்ணீரில் கொழுப்போ, மாவுச்சத்தோ, புரதங்களோ இல்லை. எனவே மேற்ப்பரப்பில் ஏடு எதுவும் படிவதில்லை. காற்றுக் குமிழ்கள் தடையின்றி வெளியேறலாம். எனவே நீரை கொதிக்க வைக்கும்போது அது பொங்குவதில்லை.

பீங்கான் அல்லது கண்ணாடி கப்பில் சூடான பானங்களை
விடும்போது சூட்டினால் கப் உடைந்துபோவதுண்டு ஏன்?

வெப்பத்தால் பொருட்கள் விரிவடையும். கன்ணாடி கப்பில்
சூடான பானங்களை ஊற்றும்போது , கப்பின் உட்பகுதி முதலில்
வெப்பத்தால் விரிவடைகிறது. வெப்பம் சிறிது சிறிதாகப் பரவி சற்று
தாமதமாகவே வெளிப்பகுதி விரிவடையும். சூடு அதிகம் இருந்தால்
உட்பரப்பு முதலில் விரிவடைந்து , வெளிப்பரப்பு விரிவடைய
தாமதமாகும்போது கப் உடைந்து விடுகிறது.

ஒரு எவர்சில்வர் கரண்டியை கப்பில் வைத்துவிட்டு, பின்னர் சூடான
பானத்தை ஊற்றினால் கப் உடையும் வாய்ப்பு குறையும். ஏன்?

பெரும்பான்மையான உலோகங்களும் கண்ணாடி அல்லது பீங்கானைவிட வெப்பத்தை அதிகமாகக் கடத்தும் தன்மையுள்ளவை. ஒரு எவர்சில்வர் அல்லது வெள்ளிக் கரண்டியை கப்பினுள் வைத்துவிட்டு பின்னர் சூடான பானத்தை ஊற்றும்போது அந்தக் கரண்டி பெருமளவில் வெப்பத்தை கிரகித்துக் கொள்வதால் கப் சூடாவதும் விரிவடைவதும் குறைகிறது. எனவே கப் உடையும் வாய்ப்பும் கணிசமாக குறைந்து போகிறது.

ஒரு பெரிய ஐஸ் கட்டியைக் காற்றில் திறந்து வைத்தால் அதிலிருந்து
வெண்ணிறமான புகை (FUMES) கிளம்புகிறது அல்லவா? ஏன்? இது ஏதேனும் வாயுவா?

ஐஸ் கட்டியிலிருந்து எந்த வாயுவும் வெளியேறுவதில்லை. ஐஸ் கட்டியை திறந்து வைக்கும்போது ஐஸ்ஸைச் சுற்றியுள்ள காற்று குளிர்வடைகிறது. ஒரு அளவிற்கு மேல் குளிர்வடையும்போது அந்தக் காற்றிலுள்ள ஈரப்பதம் (MOISTURE) மிக நுண்ணிய நீர்த்திவலைகளாக மாறுகிறது. அறையிலுள்ள காற்று மேலும் கீழுமாக நகரும்போது (CONVECTION CURRENTS), இந்த நீர்த்திவலைகளும் நகருவதால் புகை போன்ற தோற்றம் ஏற்படுகிறது.

வெளவால் தலைக் கீழாகத் தொங்குவது ஏன்?
வெளவால்களின் இறக்கைகள் 6 அங்குலம் முதல் 6 அடி வரை நீண்டிருக்கும். அவற்றின் கால்களுக்கு போதிய வலிமைக் கிடையாது. அதனால், வெளவால்களால் நீண்ட நேரம் நிற்கவோ நடக்கவோ முடியாது. மற்ற பறவைகளைப் போல் இவற்றால் பூமியில் இருந்து மேலெழும்பி பறக்க முடியாது. அதற்க்கு அவற்றின் போதிய வளர்ச்சியற்ற கால்களும், அதிக கனமான இறக்கைகளும்தான் காரணம். தலைக் கீழாகத் தொங்குவது வெளவால்களுக்கு செளகரியமாக இருக்கிறது. ஆபத்தில் இருந்து
தப்பிக்க உதவுகிறது. இவ்வாறு தொங்கும் போது வெளவால்களுக்கு அதிக அளவு சக்தி தேவைப்படுவதில்லை. உடனடியாகப் பறப்பதும் எளிதான விஷயமாக உள்ளது.

தொடரும்....

வழைமையான உங்கள் கருத்தும், வாக்குகளும்....

அதி சிறந்த இலவச அன்டி வைரஸ் மென்பொருள்(Comodo)

2010-09-09T09:20:00.000+03:00

"கணனி இல்லாத கம்பனியும் இல்லை, வீடும் இல்லை, விடுதியும் இல்லை என்பது போல  வைரஸ் பாதுகாப்பு இல்லாத கணனியும் இல்லை எனலாம்"

இன்று பல அன்டிவைரஸ் மென்பொருட்கள் இலவசமாக கிடைக்கின்றன அவ்வாறு இலவசமாக கிடைக்கும் அவேரா (avera) ,ஏவிஜி (AVG) , மைக்ரோசாஃப்ட் டிஃபன்டர் (Windows Defender) , மைக்ரோ சாஃப்ட் செகுரிட்டி (Microsoft Security Essentials ) , பாண்டா க்ளவுட் (Panda Cloud )போன்ற அன்டிவைரஸ் மென்பொருட்கள் உலகெங்கிலும் உள்ள சொந்த பாவனை பயன்பாட்டாளர்களுக்கு பாரிய உதவியாக உள்ளது என்பதை யாரும் மறுக்கவே முடியாது.

தற்பொது இவற்றுக்கெல்லாம் போட்டியாக கொமொடொ (Comodo) என்ற நிறுவனம் ஒரு இலவச அன்டிவைரஸ் மென்பொருளை வெளியிட்டுள்ளது. இதை பயன்படுதிப்பார்த்ததில் மேல் கூறப்பட்ட அனைத்து அன்டிவைரஸ்களையும்  விட சிறந்த முறையில் வேலை செய்கின்றது. மேலும் Defense+ போன்ற இன்னும் பல்வேறு பாதுகாப்பு அம்சங்களும் இதில் உள்ளன.

இதில் மற்றுமொரு சிறப்பு அம்சம் என்னவென்றால் ஃயர்வாலும் (Firewall) இலவசமாக கிடைக்கின்றது. இது இணையத்தளம் மூலம் நமது தகவல்கள் திருடப் படாமலும், வைரஸ் பரவாமலும் நமது கணிணியை பாதுகாத்துக் கொள்ளும்.

இதை இங்கே சென்று  தரவிறக்கம் செய்யவும் அதற்க்கு முன்னர் உங்களது விண்டோஸ் 7, Vista அல்லது XP என்பதை தெரிவு செய்து கொள்ளுங்கள் நிறுவிய பிறகு வைரஸ் பாதுகாப்பு சிறப்பாக செயட்படுவதற்க்கு On Access மோடிற்கு மாற்றிக் கொள்ளவும்.

Features

Detects, blocks, and destroys viruses
Immediate feedback on suspicious files
Protects with On Access scanning
Schedule your scans
Daily automatic updates

பதிவு பிடித்திருந்தால் உங்கள் கருத்துக்களையும், வாக்குகளையும் இட்டுச் செல்லுங்கள்

நன்றி

பெருநாள் வாழ்த்து அட்டைகளை எப்படி தமிழில் அனுப்புவது ?

2010-09-08T00:18:00.001+03:00

உலகெமெங்கும் இன்னும் ஓர் இரு தினங்களில் பெருநாள் கொண்டாட ஆயத்தமாகும் இஸ்லாமிய உறவுகளுக்கிடையில் வாழ்த்துக்கள் குவிந்தவண்ணமாக உள்ளன. இவ் வேளைகளில் எம் சகோதர தமிழ் இஸ்லாமிய உறவுகளுக்கிடையில் பரிமாறப்படும் மின்னஞ்சல் வாழ்த்து அட்டைகளில் அழகுத் தமிழோடு இசையும் அனிமேசனும் கலந்து இருந்தால் எப்படி இருக்கும்.

இதோ உங்களுக்காகத்தான் இப்பதிவு!

முதலில் இந்த தளம் சென்று உங்களுக்கு விரும்பிய வாழ்த்து அட்டையை தெரிவு செய்து கொள்ளுங்கள் தெரிவு செய்து வரும் "Send this card" என்பதை அழுத்துங்கள்.
பின்னர் "sender details" உங்கள் பெயர் மற்றும் மின்னஞ்சல் முகவரியையும் கொடுங்கள்.
அடுத்து நீங்கள் வாழ்த்தபோகும் தமிழ் சொற்களை தட்டச்சியில் டைப் செய்து "Message" பகுதியில் ஓட்டுங்கள். இறுதியாக "Receiver details" நீங்கள் யாருக்கு வாழ்த்து அனுப்ப விரும்புகின்றீர்களோ அவரது பெயரும் மின்னஞ்சல் முகவரியையும் கொடுத்து "Add Receiver" பொத்தானை அழுத்தி சரி பார்த்ததும் அதன் கீழே உள்ள "Send this card" னை அழுத்தி அனுப்பி விடுங்கள் அவ்வளவுதான் விசயம் .

வாழ்த்து கிடைக்கப் பெற்றவருக்கு உங்கள் மின்னஞ்சலிலுருந்து ஒரு url முகவரி கிடைத்திருக்கும் அவர் அதை திறந்ததும் அழகான அனிமேசனோடு கூடிய தமிழ் வாழ்த்து அட்டை அவரை வாழ்திக்கொண்டிருக்கும், "Play" பொத்தானை அழுத்தினால் அதன் இசையையும் கேட்கலாம் .

குறிப்பு:- உங்களின் இரு மின்னஞ்சல் மூலமாகக் கூட பரீட்சித்துப் பார்க்கலாம். இதோ நான் உருவாகிய பெருநாள் வாழ்த்து அட்டையை இங்கே சென்று பாருங்கள்.

பதிவு பிடித்திருந்தால் உங்கள் கருத்துக்களையும், வாக்குகளையும் இட்டுச் செல்லுங்கள்.
நன்றி

பூமிக்கு அருகில் புதிய கிரகங்கள்

2010-09-04T19:06:00.001+03:00

பிரபஞ்சம் குறித்து பல ஆய்வுகள் மேற்கொள்ளப் பட்டாலும், இன்னமும் அதன் ரகசியத்தை ஆய்வாளர்கள் முழுமையாக கண்டுபிடிக்க முடியவில்லை. உலகின் பல நாடுகள் விண்வெளி குறித்த ஆய்வுகளை மேற்கொண்டு வருகின்றன. விண்வெளி ஆய்வுகளை அமெரிக்கா நீண்டகாலமாக மேற்கொண்டு வருகிறது. கடந்த சில ஆண்டுகளுக்கு முன், ஆயிரத்து 440 கோடி ரூபாய் மதிப்பிலான ஒரு ஆய்வு திட்டம் அங்கு தீட்டப்பட்டது. இத்திட்டத்தின் கீழ், உடா மாநில பல்கலைக்கழக டைனமிக் பரிசோதனை கூடத்தில் 16 அங்குல தொலைநோக்கி உருவாக்கப்பட்டது.

"வைஸ்' என்று சுருக்கமாக அழைக்கப்படும், "வைட் பீல்டு இன்பிராரெட் சர்வே எக்ஸ்புளோளர்' என்ற இந்த விண்வெளி தொலைநோக்கி, கடந்த டிசம்பரில் பூமியில் இருந்து 300 மைல் தூரத்தில் விண்வெளியில் சுற்றி வரும்படி ஏவப்பட்டது. 11 நொடிக்கு ஒரு படம் என்ற அளவில் இந்த தொலைநோக்கி விண்வெளியை கேமராவால் சுட்டுத்தள்ளி, படங்களை எடுத்து பூமிக்கு அனுப்பி வருகிறது.
இவ்வாறு அனுப்பப்பட்ட படங்கள் மூலம் விண்வெளி குறித்த பல்வேறு புதிய விஷயங்கள் கிடைத்து வருகின்றன. "வைஸ்' தொலைநோக்கி அனுப்பிய படங்கள் மூலமாக, கடந்த ஆறு மாதங்களில் 25 ஆயிரத்திற்கும் மேற்பட்ட சிறிய கிரகங்கள் கண்டுபிடிக்கப்பட்டுள்ளன. இவற்றில் 95 கிரகங்கள் பூமிக்கு மிக அருகில் உள்ளன என தெரியவந்துள்ளது. மிக அருகில் என்றால், இக்கிரகங்கள் பூமியில் இருந்து 3 கோடி மைல்கள் தொலைவில் உள்ளன. இவற்றால் பூமிக்கு தற்போது எந்த அபாயமும் இல்லை.
"வைஸ்' தொலைநோக்கி, விண்வெளியில் தன் முதல் முழுமையான தேடுதலை சமீபத்தில் தொடங்கி உள்ளது. இதன் மூலம், இந்த ஆண்டு இறுதிக்குள், பிரபஞ்சம், நட்சத்திரங்கள், கிரகங்கள் ஆகியவை எவ்வாறு தோன்றின என்ற கேள்விக்கான விடை தெரிய வரும் என்று எதிர்பார்க்கப்படுகிறது.
சிறிய கிரகங்களை மட்டும் இல்லாமல் 15 புதிய வால் நட்சத்திரங்களையும் அமெரிக்க தொலைநோக்கி கண்டுபிடித்துள்ளது. நட்சத்திரங்களை விட அளவில் சிறியதும், கிரகங்களை விட பெரியதுமான வளர்ச்சி குறைந்த நூற்றுக்கும் மேற்பட்ட நட்சத்திரங்களை, "வைஸ்' ஆய்வு செய்துள்ளது. இவற்றில் 20 குறித்த தகவல்கள் முழுமையாக கிடைத்துள்ளன. 45 ஆயிரம் கோடி ஒளி ஆண்டுகள் தொலைவில் உள்ள, ஒளிமிக்க ஒரு பால் மண்டலத்தை, "வைஸ்' கண்டுபிடித்துள்ளது.
சாதாரண தொலைநோக்கியை விட, "வைஸ்' தொலைநோக்கி சக்தி வாய்ந்ததாக இருப்பதால், அது அனுப்பி வரும் விண்வெளி தகவல்கள் விஞ்ஞானிகளுக்கு மிகவும் பயனுள்ளதாக உள்ளன. கடந்த 25 ஆண்டுகளுக்கு முன் இன்பிரா ரெட் தொழில்நுட்ப தொலைநோக்கி உருவாக்கப்பட்டது. அதில் இருந்து இதுவரை உருவாக்கப்பட்ட தொலைநோக்கிகளில், "வைஸ்' தொலைநோக்கி தான் மிக சக்தி வாய்ந்தது.
"விண்வெளியில் காணப்படும் கடும் வெப்பம் மற்றும் அதிக ஒளி கொண்ட பொருட்களை நோக்கியே பெரும்பாலான தொலைநோக்கிகள் செயல்படும். ஆனால், அடர்த்தியான தூசிகளின் உள்ளேயே ஊடுருவி, தெளிவற்று காணப்படுபவைகளையும் தெளிவாக பார்க்கலாம்; குளிர்ச்சியான மற்றும் இருட்டில் மறைந்துள்ள பொருட்களையும் காணலாம் என்பதுதான், "வைஸ்' விண்வெளி தொலைநோக்கியின் சிறப்பு!' என்கிறார் ரிச்சர்டு பின்செல் என்ற விஞ்ஞானி. "பிரபஞ்சத்தில் பூமிக்கு அருகில் காணப்படும் பொருட்களை கொண்டு பால் மண்டலம் உருவானதை சிறிது சிறிதாக அறிந்து வருகிறோம். இனி கிடைக்கும் புள்ளி விவரங்களை கொண்டுதான் உண்மையான கண்டுபிடிப்புகள் வெளிவரும்!' என்கிறார் நாசா விஞ்ஞானி பீட்டர் இசென்ஹர்டு.

நன்றி: Gulftimes &Tamilcnn

Notepad++ ஒரு சிறந்த மென்பொருள்

2010-08-29T14:52:00.001+03:00

கணனியின் Accessories உள்ள நோட் பேட்டில் எங்களுக்கு தேவையான அனைத்து வசதிகளும் கிடைப்பதில்லை. அதனால்த்தான் ஒரு சில குறிப்பிட்ட வேலைகளுக்கு மட்டும் Accessories நோட் பேட்டை பயன்படுத்துகின்றோம்.

ஆனால் Notepad++ ல் பின் வரும் பல வசதிகள் உள்ளன:-

Syntax Highlighting and Syntax Folding
WYSIWYG
User Defined Syntax Highlighting
Auto-completion
Multi-Document
Multi-View
Regular Expression Search/Replace supported
Full Drag ‘N' Drop supported
Dynamic position of Views
File Status Auto-detection
Zoom in and zoom out
Multi-Language environment supported
Bookmark
Brace and Indent guideline Highlighting
Macro recording and playback

இந்த அரிய மென்பொருள் முற்றிலும் இலவசமே இதை இங்கிருந்து தரவிறக்கி பயன்படுத்திப் பாருங்கள் பின்னர் நீங்களும் தொடர்ந்து பயன்படுத்த விரும்புவீர்கள்.

நன்றி

அலகு மாற்றி மென்பொருள் (Convertor)

2010-08-24T17:43:00.001+03:00

நமக்கு கிடைக்கும் வீடியோக்கள், ஆடியோக்கள் மற்றும் புகைப்படங்கள் என எவை எந்த பார்மட்டில் கிடைத்தாலும் கவலையே இல்லை இப்பதான் இருக்கவே இருக்கு பல கன்வேர்டர்கள் அதன் அடிமுடியை கண்டுபிடித்து இயங்க வைத்து பார்த்து விட்டுத்தான் அடுத்த வேலை.

அந்த வகையில் எனக்கு மிகவும் பிடித்த மென்பொருள்தான் இந்த அலகு மாற்றி கீழுள்ள படத்தில் உள்ளதுபோல் நேரம், வெப்பநிலை, தூரம், வேகம் ,மின், ஒலி என மற்றும் பல அனைத்து அலகுகளையும் மாற்றும் வசதிகொண்டது.

உதாரணமாக:-

1 கிலோமீட்டர் (Km) =100,000 சென்றிமீட்டர் என்பது போல

இந்த கன்வேர்டரை நீங்களும் இங்கே சென்று தரவிறக்கி பயன்படுத்திப் பாருங்கள் . குறிப்பாக மாணவர்களுக்கும் மிகவும் பயனுள்ளதாக இருக்கும்.

அலுவலகத்தில் Bittorrent டை பயன்படுத்தியமையினால் தனது பணியை இழந்தார் மலையாளியொருவர்.

2010-08-19T17:22:00.001+03:00

டோகா கத்தாரில் உள்ள கம்பனியொன்றில் பணிபுரிந்த மலையாளியொருவர் தனது அலுவலக கணனியில் Bittorrent மென்பொருளை பயன்படுத்தி தரவிறக்கம் மேற்கொண்ட போது சுமார் 46 கணனிகளுக்கு வைரசைப் பரப்பியதன் விளைவாக அந் நிறுவனம் அவரை பணியிலிருந்து நீக்கியது.

மேலும் எனது நண்பரைத் தொடர்புகொண்டு விளக்கத்தை கேட்டறிந்தபோது அவ்வியாபார நிறுவனத்தின் கணனிகளின் நாளாந்த செயற்பாடுகள் பகிரும் கோப்புகளால் ஆனது அதாவது சேரிங் பயிலிங் சிஸ்ரம் (Data Bank Master Files Sharing System ) மூலமாக ஒன்றோடு ஒன்று தொடர்புபட்டு கணனிகள் செயற்பட்டதாகவும் அவ்வேளையில் இவர் அட்மினிஸ்ரேசன் பாஸ்வேர்ட்டை ரகசியமாக பெற்றுக்கொண்டு Bittorrent டை தன் கணனியில் நிறுவி தனது வழமையான தரவிறக்கத்தை மேற்கொண்டபோது வைரஸ் இவரது கணனியிலிருந்து பிற கணனிகளுக்கும் இலகுவாகப் பரவியிருக்கிறது.

சாதரணமாக மின்னஞ்சல் USB மற்றும் CD க்கள் மூலமாக பரவும் வைரஸ்களை பாதுகாப்பதற்கு நாம் எவ்வளவு அவதானமாக இருக்கவேண்டியிருக்கின்றது ஆனால் இங்கே நெட்வொர்க் கோப்புகள் என்றால் கேட்க்கவா வேண்டும். இதில் ஆச்சரியம் என்னவென்றால் அந்நிறுவனம் சாதாரண கணனியிலிருந்து சர்வர் கணனி வரைக்கும் “Symentec Antivirus” பாதுகாப்பானை நிறுவி அப்டேட்டுடன் கண்காணிக்க்பட்டு வந்திருக்கின்றது. அதையும் மீறி 46 கணனிகளை செயற்பாட்டில் இருந்து முடக்கியிருக்கின்றது .

உன்மையில் நாமும் அலுவலகத்தில் பணிபுரியும் போது அதற்குரிய வரையறைகளை மீறிச்செல்லக் கூடாது இன்றைய கணனி வளர்ச்சியின் வேகத்தில் தினமும் புதுப் புது மென்பொருள்கள் வந்தவண்ணம் உள்ளன இவற்றையெல்லாம் எங்களது சொந்தக் கணனியில் பயன்படுத்தலாம் இதனால் எங்கள் கணனிக்கு ஏதும் பாதிப்புக்கள் ஏற்பட்டால் அதை திருத்துவதற்கு ஒருதொகைப்பணம் மட்டுமே செலவாகும் மாறாக அலுவலகக் கணனியில் நாம் ஏற்படுத்தும் தவறுகளால் எங்களது நன்மதிப்பு மட்டுமல்ல வேலையையும் இழக்கவேண்டிவரும் வேலையை இழந்தால் பாதிக்கப்படுவது நாங்கள் மட்டுமல்ல எங்களை நம்பியிருப்போரும்தான்.

எங்கள் நாட்டில் படித்தபடிப்புக்கு வேலைகிடைப்பது அரிது அப்படித்தான் வேலை கிடைத்தாலும் அதற்குரிய சரியான சம்பளமும் கிடைப்பதில்லை அதனால்த்தான் வெளிநாடுகளில் வேலை தேடி வருகின்றோம் இங்குதான் நாம் அவதானமாக இருக்க வேண்டும் ஏனென்றால் எமக்கென்று உறவுகள் இங்கு யாரும் இல்லை நண்பர்களைக் கூட நாங்கள்தான் உருவாக்கிக்கொள்ள வேண்டும். திடிரென நாம் வேலை செய்யும் நிறுவனத்தில் வேலையை இழக்க நேரிட்டால் மீண்டும் மற்றுமொரு நிறுவனத்தில் வேலை தேடிப்போகும் போது அங்கே பார்க்கப்படுவது எங்களது திறமை மட்டுமல்ல எங்களது நன்நடத்தை எவ்வாறு இருந்தது கடந்த நிறுவனத்தில் வேலை செய்யும்போது என்பதாகும்.

இச்சம்பவம் அலுவலகத்தில் வேலை செய்பவர்களுக்கும் வேலை தேடுபவர்களுக்கும் ஒரு வழிகாட்டி உதாரணமாக அமையும் என நம்புகின்றேன்.